حذیفہ (رض) سے روایت ہے کہ نبی اکرم ﷺ نماز میں جب کسی رحمت کی آیت سے گزرتے تو اللہ تعالیٰ سے اس کا سوال کرتے، اور عذاب کی آیت آتی تو اس سے پناہ مانگتے، اور جب کوئی ایسی آیت آتی جس میں اللہ تعالیٰ کی پاکی ہوتی تو تسبیح کہتے ١ ؎۔ تخریج دارالدعوہ : صحیح مسلم/المسافرین ٢٧ (٧٧٢) ، سنن ابی داود/الصلاة ١٥١ (٨٧١) ، سنن الترمذی/الصلاة ٧٩ (٢٦٢) ، سنن النسائی/الافتتاح ٧٧ (١٠٠٩) ، التطبیق ٧٤ (١١٣٤) ، (تحفة الأشراف : ٣٣٥٨) ، وحم (٥/٣٨٢، ٣٨٤، ٣٩٤) ، سنن الدارمی/الصلاة ٦٩ (١٣٤٥) (صحیح ) وضاحت : ١ ؎: تلاوت قرآن کے آداب میں سے یہ ہے کہ قرآن شریف سمجھ کر پڑھے، اور رحمت اور وعدوں کی آیتوں پر دعا کرے، اور عذاب و وعید کی آیتوں پر استغفار کرے، اور اللہ کی پناہ مانگے۔