عبداللہ بن عمرو (رض) کہتے ہیں کہ رسول اللہ ﷺ نے فرمایا : اللہ تعالیٰ نے مجھے اپنا خلیل (گہرا دوست) بنایا ہے، جیسا کہ ابراہیم (علیہ السلام) کو اپنا خلیل (گہرا دوست) بنایا، چناچہ میرا اور ابراہیم کا گھر جنت میں قیامت کے دن آمنے سامنے ہوگا، اور عباس ہم دو خلیلوں کے مابین ایک مومن ہوں گے ۔ تخریج دارالدعوہ : تفرد بہ ابن ماجہ، (تحفة الأشراف : ٨٩١٤، ومصباح الزجاجة : ٥٣) ، وقد أخرجہ : مسند احمد (٢/١٥٨، ٢٢٥) (موضوع) (سند میں مذکور عبدالوہاب بن ضحاک متہم بالوضع راوی ہے، اس لئے یہ حدیث موضوع ہے، لیکن حدیث کا یہ ٹکڑا إن الله اتخذني صحیح ہے، جیسا کہ حدیث نمبر ( ٩٣ ) میں مذکور ہے، نیز تفصیل کے لئے ملاحظہ ہو : سلسلة الاحادیث الضعیفة، للالبانی : ٣٠٣٤ )