ام المؤمنین ام سلمہ (رض) کہتی ہیں کہ رسول اللہ ﷺ ابوسلمہ (رض) کے پاس گئے، ان کی آنکھ کھلی ہوئی تھی، تو آپ ﷺ نے اسے بند کردیا، پھر فرمایا : جب روح قبض کی جاتی ہے، تو آنکھ اس کا پیچھا کرتی ہے ١ ؎۔ تخریج دارالدعوہ : صحیح مسلم/الجنائز ٤ (٩٢٠) ، سنن ابی داود/الجنائز ٢١ (٣١١٨) ، (تحفة الأشراف : ١٨٢٠٥) ، مسند احمد (٦/٢٩٧) (صحیح ) وضاحت : ١ ؎: مردے کی آنکھ اس واسطے کھلی رہ جاتی ہے کہ روح کو جاتے وقت وہ دیکھتا ہے، پھر آنکھ بند کرنے کی طاقت نہیں رہتی اس لئے آنکھ کھلی رہ جاتی ہے،واللہ اعلم۔