عبداللہ بن مسعود (رض) کہتے ہیں کہ نبی اکرم ﷺ نے فرمایا : جس شخص نے تین نابالغ بچے آگے بھیجے، تو وہ اس کے لیے جہنم سے بچاؤ کا مضبوط قلعہ ہوں گے ابوذر (رض) نے کہا : میں نے دو بچے آگے بھیجے ہیں، آپ نے فرمایا : اور دو بھی ، پھر قاریوں کے سردار ابی بن کعب (رض) نے کہا : میں نے تو ایک ہی آگے بھیجا ہے، آپ ﷺ نے فرمایا : اور ایک بھی ۔ تخریج دارالدعوہ : سنن الترمذی/الجنائز ٦٥ (١٠٦١) ، (تحفة الأشراف : ٩٦٣٤) ، وقد أخرجہ : مسند احمد (١/٣٧٥، ٤٢٩، ٤٥١) (ضعیف) (سند میں ابو محمد مجہول ہیں )