بریدہ (رض) کہتے ہیں کہ رسول اللہ ﷺ نے بلال (رض) سے فرمایا : اے بلال ! دوپہر کا کھانا حاضر ہے، انہوں نے کہا : میں روزے سے ہوں، آپ ﷺ نے فرمایا : ہم تو اپنی روزی کھا رہے ہیں، اور بلال کی بچی ہوئی روزی جنت میں ہے، تم کو معلوم ہے، اے بلال ! روزہ دار کی ہڈیاں تسبیح بیان کرتی ہیں، اور فرشتے اس کے لیے استغفار کرتے ہیں، جب تک اس کے سامنے کھانا کھایا جاتا ہے ۔ تخریج دارالدعوہ : تفرد بہ ابن ماجہ، (تحفة الأشراف : ١٩٤٤، ومصباح الزجاجة : ٦٢٩) (موضوع) (محمد بن عبد الرحمن کی ناقدین نے تکذیب کی ہے، نیز ملاحظہ ہو : سلسلة الاحادیث الضعیفة، للالبانی : ١٣٣٢ )