قیس بن سعد (رض) کہتے ہیں کہ رسول اللہ ﷺ نے زکاۃ کا حکم نازل ہونے سے پہلے ہمیں صدقہ فطر ادا کرنے کا حکم دیا، لیکن جب زکاۃ کا حکم نازل ہوگیا تو نہ تو ہمیں صدقہ فطر دینے کا حکم دیا، اور نہ ہی منع کیا، اور ہم اسے دیتے رہے ١ ؎۔ تخریج دارالدعوہ : سنن النسائی/الزکاة ٣٥ (٢٥٠٨) ، (تحفة الأشراف : ١١٠٩٨) ، وقد أخرجہ : مسند احمد (٣/٤٤٢، ٦/٦) (صحیح ) وضاحت : ١ ؎: یعنی آپ ﷺ نے نیا حکم نہیں دیا، پہلا حکم ہی کافی تھا، زکاۃ کا حکم اترنے سے صدقہ فطر موقوف نہیں ہوا، بلکہ اس کی فرضیت اپنے حال پر باقی رہی۔