سعد بن ابی وقاص (رض) کہتے ہیں کہ رسول اللہ ﷺ نے عثمان بن مظعون (رض) کی شادی کے بغیر زندگی گزارنے کی درخواست رد کردی، اگر آپ ﷺ نے انہیں اجازت دی ہوتی تو ہم خصی ہوجاتے ١ ؎۔ تخریج دارالدعوہ : صحیح البخاری/النکاح ٨ (٥٠٧٣، ٥٠٧٤) ، صحیح مسلم/النکاح ١ (١٤٠٢) ، سنن الترمذی/النکاح ٢ (١٠٨٣) ، سنن النسائی/النکاح ٤ (٣٢١٤) ، (تحفة الأشراف : ٣٨٥٦) ، وقد أخرجہ : مسند احمد (١/١٧٥، ١٧٦، ١٨٣) ، سنن الدارمی/ النکاح ٣ (٢٢١٣) (صحیح ) وضاحت : ١ ؎: تبتل کے معنی عورتوں سے الگ رہنے، نکاح نہ کرنے اور ازدواجی تعلق سے الگ تھلگ رہنے کے ہیں، نصاری کی اصطلاح میں اسے رہبانیت کہتے ہیں، تجرد کی زندگی گزارنا اور شادی کے بغیر رہنا شریعت اسلامیہ میں جائز نہیں ہے۔