ام المؤمنین عائشہ (رض) کہتی ہیں کہ ابوبکر (رض) میرے پاس آئے، اس وقت میرے پاس انصار کی دو لڑکیاں ایسے اشعار گا رہی تھیں جو انصار نے جنگ بعاث کے دن کہے تھے، اور وہ لڑکیاں پیشہ ور گانے والیاں نہ تھیں، تو ابوبکر (رض) نے کہا کہ نبی اکرم ﷺ کے گھر میں شیطان کا باجا ہو رہا ہے، اور یہ عید الفطر کا دن تھا، تو نبی اکرم ﷺ نے فرمایا : ابوبکر ! ہر قوم کی ایک عید ہوتی ہے، اور یہ ہماری عید ہے ۔ تخریج دارالدعوہ : صحیح البخاری/العیدین ٢ (٩٤٩) ، ٣ (٩٥٢) ، ٢٥ (٩٨٧) ، الجہاد ٨١ (٢٩٠٧) ، المناقب ١٥ (٣٥٢٠) ، مناقب الأنصار ٤٦ (٣٩٣١) ، صحیح مسلم/العیدین ٤ (٨٩٢) ، (تحفة الأشراف : ١٦٨٠١) ، وقد أخرجہ : سنن النسائی/العیدین ٣٢ (١٥٩٤) ، ٣٦ (١٥٩٨) ، مسند احمد (٦/٣٣، ٨٤، ٩٩، ١٢٧) (صحیح )