عبداللہ بن عمر (رض) کہتے ہیں کہ رسول اللہ ﷺ کھڑے ہوئے اور فرمایا : کوئی کسی کے جانور کا دودھ بغیر اس کی اجازت کے نہ دوہے، کیا کوئی یہ پسند کرے گا کہ اس کے بالاخانہ میں کوئی جائے، اور اس کے غلہ کی کوٹھری کا دروازہ توڑ کر غلہ نکال لے جائے ؟ ایسے ہی ان کے جانوروں کے تھن ان کے غلہ کی کوٹھریاں ہیں، تو کوئی کسی کے جانور کو اس کی اجازت کے بغیر نہ دوہے ۔ تخریج دارالدعوہ : صحیح مسلم/اللقطة ٢ (١٧٢٦) ، (تحفة الأشراف : ٨٣٠٠) ، وقد أخرجہ : صحیح البخاری/اللقطة ٤٨ (٢٤٣٥) ، سنن ابی داود/الجہاد ٩٥ (٢٦٢٣) ، موطا امام مالک/الإستئذان ٦ (١٧) (صحیح )