ابوامامہ حارثی (رض) بیان کرتے ہیں کہ انہوں نے رسول اللہ ﷺ کو فرماتے سنا : جو شخص بھی قسم کے ذریعہ کسی مسلمان آدمی کا حق مارے گا، تو اللہ تعالیٰ اس پر جنت کو حرام کر دے گا، اور جہنم کو اس کے لیے واجب کر دے گا، لوگوں میں سے ایک شخص نے کہا : اللہ کے رسول ! اگرچہ وہ معمولی چیز ہو ؟ آپ ﷺ نے فرمایا : ہاں، خواہ وہ پیلو کی ایک مسواک ہی ہو ۔ تخریج دارالدعوہ : صحیح مسلم/الإیمان ٦١ (١٣٧) ، سنن النسائی/آداب القضاة ٢٩ (٥٤٢١) ، (تحفة الأشراف : ١٧٤٤) ، وقد أخرجہ : مسند احمد (٥/٢٦٠) (صحیح )