خریم بن فاتک اسدی (رض) کہتے ہیں کہ نبی اکرم ﷺ نے نماز فجر پڑھائی، جب فارغ ہوئے تو کھڑے ہو کر آپ ﷺ نے فرمایا : جھوٹی گواہی اللہ کے ساتھ شرک کرنے کے برابر ہے ، یہ جملہ آپ نے تین بار دہرایا، پھر آیت کریمہ : واجتنبوا قول الزور حنفاء لله غير مشرکين به جھوٹ بولنے سے بچو، اللہ کے لیے سیدھے چلو، اس کے ساتھ شرک نہ کرو (سورة الحج : ٣٠ -٣١) کی تلاوت فرمائی۔ تخریج دارالدعوہ : سنن ابی داود/الأقضیة ١٥ (٣٥٩٩) ، سنن الترمذی/الشہادات ٣ (٢٣١٠) ، (تحفة الأشراف : ٣٥٢٥) (ضعیف) (سند میں سفیان کے والد زیاد عصفری اور حبیب بن نعمان دونوں مجہول ہیں )