محمد بن سیرین کہتے ہیں کہ انس بن مالک (رض) جب رسول اللہ ﷺ سے کوئی حدیث بیان کرتے، اور اس سے فارغ ہوتے تو کہتے : أو كما قال رسول الله صلى الله عليه وسلم یا جیسا رسول اللہ ﷺ نے فرمایا ١ ؎۔ تخریج دارالدعوہ : تفرد بہ ابن ماجہ، (تحفة الأشراف : ١٤٦٩، ومصباح الزجاجة : ١٠) ، وقد أخرجہ : دي المقدمة ٢٨ (٢٨٤) (صحیح ) وضاحت : ١ ؎: گویا یہ کہہ کر وہ یہ بتانا چاہتے تھے کہ ہم نے تم سے جو یہ حدیث بیان کی ہے وہ روایت بالمعنی ہے، رہے الفاظ تو ہوسکتا ہے کہ ہو بہو یہی الفاظ رہے ہوں یا الفاظ کچھ بدلے ہوں۔