ابوہریرہ (رض) کہتے ہیں کہ نبی اکرم ﷺ کی دعاؤں میں یہ دعا بھی تھی : اللهم إني أعوذ بک من علم لا ينفع ومن دعا لا يسمع ومن قلب لا يخشع ومن نفس لا تشبع اے اللہ ! میں اس علم سے پناہ مانگتا ہوں جو نفع نہ دے، اور اس دعا سے جو سنی نہ جائے، اور اس دل سے جو (اللہ سے) نہ ڈرے، اور اس نفس سے جو آسودہ نہ ہوتا ہو ١ ؎۔ تخریج دارالدعوہ : سنن النسائی/الاستعاذة ١٧ (٥٤٦٩) ، (تحفة الأشراف : ١٣٠٤٦) ، وقد أخرجہ : سنن ابی داود/الصلاة ٣٦٧ (١٥٤٨) ، مسند احمد (٢/١٢٦١) (یہ حدیث مکرر ہے، دیکھئے : ٣٨٣٧) (صحیح ) وضاحت : ١ ؎: علم دین کا نفع یہی ہے کہ آدمی اس پر عمل کرے، اور خلق کو اس کی طرف بلائے۔