ابوہریرہ (رض) کہتے ہیں کہ رسول اللہ ﷺ نے فرمایا : اللہ تعالیٰ کے راستے میں زخمی ہونے والا شخص (اور اللہ تعالیٰ ہی بہتر جانتا ہے کہ اس کے راستے میں کون زخمی ہو رہا ہے) قیامت کے دن اس حال میں آئے گا کہ اس کا زخم بالکل اسی دن کی طرح تازہ ہوگا جس دن وہ زخمی ہوا تھا، رنگ تو خون ہی کا ہوگا، لیکن خوشبو مشک کی سی ہوگی۔ تخریج دارالدعوہ : تفرد بہ ابن ماجہ، (تحفة الأشراف : ١٢٨٧٤، ومصباح الزجاجة : ٩٩١) ، وقد أخرجہ : صحیح البخاری/الجہاد ١٠ (٢٨٠٣) ، صحیح مسلم/الإمارة ٢٨ (١٨٧٦) ، سنن الترمذی/فضائل الجہاد ٢١ (١٦٥٦) ، موطا امام مالک/الجہاد ١٤ (٢٩) ، مسند احمد (٢/٣٩١، ٣٩٨، ٣٩٩، ٤٠٠، ٥١٢، ٥٢، ٥٣١، ٥٣٧) ، سنن الدارمی/الجہاد ١٥ (٢٤٥٠) (حسن صحیح )