علی بن ابی طالب (رض) کہتے ہیں کہ مغیرہ بن شعبہ (رض) جب رسول اللہ ﷺ کے ساتھ جہاد کے لیے جاتے تو اپنے ساتھ برچھا لے جاتے، اور لوٹتے وقت اسے پھینک دیتے، انہیں دینے کے لیے کوئی اسے اٹھا لاتا، اس پر علی (رض) نے کہا : آپ کی یہ حرکت میں رسول اللہ ﷺ کو ضرور بتاؤں گا، تو مغیرہ بن شعبہ (رض) نے کہا : ایسا نہ کریں، کیونکہ اگر آپ نے ایسا کیا تو گمشدہ چیز اٹھائی نہیں جائے گی ۔ تخریج دارالدعوہ : تفرد بن ابن ماجہ، (تحفة الأشراف : ١٠١٨٢، ومصباح الزجاجة : ٩٩٤) ، وقد أخرجہ : مسند احمد (١/١٤٨) (ضعیف الإسناد) (ابواسحاق مدلس اور مختلط ہیں، اور روایت عنعنہ سے ہے، اور ابو خلیل عبد اللہ بن أبی الخلیل مقبول عند المتابعہ ہیں، اور ان کا کوئی متابع نہیں ہے، تو وہ لین الحدیث ہوئے، امام بخاری نے فرمایا کہ ان کی متابعت نہیں کی جائے گی )