خارجہ بن زید کہتے ہیں کہ میں نے ایک شخص کو اپنے والد سے اس شخص کے بارے میں سوال کرتے دیکھا، جو جہاد کرنے جائے اور وہاں خریدو فروخت کرے اور تجارت کرے، تو میرے والد نے اسے جواب دیا : ہم جنگ تبوک میں رسول اللہ ﷺ کے ساتھ تھے آپ ہمیں خریدو فروخت کرتے دیکھتے لیکن منع نہ فرماتے ١ ؎۔ تخریج دارالدعوہ : تفرد بہ ابن ماجہ، (تحفة الأشراف : ٣٧١٣، ومصباح الزجاجة : ٩٩٧) ، وقد أخرجہ : مسند احمد (٣/٤٤٠) (ضعیف جدا) (علی بن عروہ البارقی متروک اور سنید بن داود ضعیف راوی ہے) ۔ وضاحت : ١ ؎: پس معلوم ہوا کہ جہاد کے سفر میں خریدو فروخت اور تجارتی لین دین منع نہیں ہے۔