ابوہریرہ (رض) کہتے ہیں کہ رسول اللہ ﷺ نے فرمایا : اگر مجھے یہ ڈر نہ ہوتا کہ میں اپنی امت کو مشقت میں ڈال دوں گا تو میں انہیں ہر نماز کے وقت مسواک کا حکم دیتا ١ ؎۔ تخریج دارالدعوہ : سنن النسائی/الطہارة ٧ (٧) (تحفة الأشراف : ١٢٩٨٩) ، وقد أخرجہ : صحیح البخاری/الجمعة ٨ (٨٨٧) ، التمني ٩ (٧٢٤٠) ، صحیح مسلم/الطہارة ١٥ (٢٥٢) ، سنن ابی داود/الطہارة ٢٥ (٤٦) ، سنن الترمذی/الطہارة ١٨ (٢٢) ، موطا امام مالک/الطہارة ٣٢ (١١٤) ، مسند احمد (٢/٢٤٥، ٢٥٠) ، سنن الدارمی/الطہارة ١٨ (٧١٠) ، الصلاة ١٦٨ (١٥٢٥) (صحیح ) وضاحت : ١ ؎: یعنی مسواک کو واجب کردیتا، لیکن ہر نماز کے وقت مسواک کا مسنون ہونا ثابت ہے، اس سے معلوم ہوتا ہے کہ آپ ﷺ امت پر کس درجہ مشفق اور مہربان تھے۔