ابوہریرہ (رض) کہتے ہیں کہ رسول اللہ ﷺ نے فرمایا : بنی اسرائیل کی حکومت ان کے انبیاء چلایا کرتے تھے، ایک نبی چلا جاتا تو دوسرا اس کی جگہ لے لیتا، لیکن میرے بعد تم میں کوئی نبی ہونے والا نہیں ، لوگوں نے عرض کیا : اللہ کے رسول ! پھر کیا ہوگا ؟ آپ ﷺ نے فرمایا : خلیفہ ہوں گے اور بہت ہوں گے ، لوگوں نے کہا : پھر کیسے کریں گے ؟ فرمایا : پہلے کی بیعت پوری کرو، پھر اس کے بعد والے کی، اور اپنا حق ادا کرو، اللہ تعالیٰ ان سے ان کے حق کے بارے میں سوال کرے گا ۔ تخریج دارالدعوہ : صحیح البخاری/أحادیث الأنبیاء ٥٠ (٣٤٥٥) ، صحیح مسلم/الإمارة ١٠ (١٨٤٢) ، (تحفة الأشراف : ١٣٤١٧) ، وقد أخرجہ : مسند احمد (٢/٢٩٧) (صحیح )