سائب بن یزید کہتے ہیں کہ میں سعد بن مالک (رض) کے ساتھ مدینہ سے مکہ تک گیا، لیکن راستے بھر میں نے آپ کو نبی اکرم ﷺ سے ایک حدیث بھی بیان کرتے ہوئے نہیں سنا۔ تخریج دارالدعوہ : تفرد بہ ابن ماجہ، (تحفة الأشراف : ٣٨٥٥، ومصباح الزجاجة : ١٣) ، وقد أخرجہ : صحیح البخاری/الجہاد والسیر ٢٦ (٢٨٢٤) ، سنن الدارمی/المقدمة ٢٨ (٢٨٦) (صحیح ) وضاحت : اس کی وجہ وہی احتیاط ہے جو صحابہ کرام رضی اللہ عنہم کی عادت تھی، تاہم وہ لوگوں کو مسائل بیان فرماتے اور ان کو وعظ و نصیحت فرماتے تھے اور یہ سب کچھ احادیث ہی سے ماخوذ ہوتا تھا۔