عبدالرحمٰن بن ابی بکر (رض) بیان کرتے ہیں نبی اکرم ﷺ نے انہیں حکم دیا کہ وہ عائشہ (رض) کو اپنے ساتھ سوار کر کے لے جائیں، اور انہیں تنعیم سے عمرہ کرائیں۔ تخریج دارالدعوہ : صحیح البخاری/العمرة ٦ (١٧٨٤) ، الجہاد ١٢٥ (٢٩٨٥) ، صحیح مسلم/الحج ١٧ (١٢١٢) ، سنن الترمذی/الحج ٩١ (٩٣٤) ، (تحفة الأشراف : ٩٦٨٧) ، وقد أخرجہ : سنن ابی داود/الحج ٨١ (١٩٩٥) ، مسند احمد (١/١٩٧) ، سنن الدارمی/المناسک ٤١ (١٩٠٤) (صحیح ) وضاحت : تنعیم : مسجد الحرام سے تین میل ( ٥ کلومیٹر) کے فاصلہ پر ایک مقام ہے، جہاں پر اس وقت مسجد عائشہ کے نام سے مسجد تعمیر ہے۔ ٢ ؎: محرم سے مراد شوہر ہے یا وہ شخص جس سے ہمیشہ کے لیے نکاح حرام ہو مثلاً باپ دادا، نانا، بیٹا، بھائی چچا ماموں، بھتیجا، داماد وغیرہ یا رضاعت سے ثابت ہونے والے رشتہ دار، عمرے کا احرام حرم سے نکل کر باندھنا چاہیے، یہ مقام بہ نسبت اور مقاموں کے قریب ہے، اس لئے آپ نے ام المؤمنین عائشہ (رض) کو وہیں سے عمرہ کرانے کا حکم دیا۔