محمد بن عبدالرحمٰن بن ابی بکر کہتے ہیں کہ میں ابن عباس (رض) کے پاس بیٹھا تھا کہ اتنے میں ان کے پاس ایک شخص آیا، تو انہوں نے پوچھا کہ تم کہاں سے آئے ہو ؟ اس نے کہا : زمزم کے پاس سے، پوچھا : تم نے اس سے پیا جیسا پینا چاہیئے، اس نے پوچھا : کیسے پینا چاہیئے ؟ کہا : جب تم زمزم کا پانی پیو تو کعبہ کی طرف رخ کر کے کھڑے ہو اور اللہ کا نام لو، اور تین سانس میں پیو، اور خوب آسودہ ہو کر پیو، پھر جب فارغ ہوجاؤ تو اللہ تعالیٰ کا شکر ادا کرو، اس لیے کہ رسول اللہ ﷺ نے فرمایا ہے : ہمارے اور منافقوں کے درمیان فرق یہ ہے کہ وہ سیر ہو کر زمزم کا پانی نہیں پیتے ۔ تخریج دارالدعوہ : تفرد بہ ابن ماجہ، (تحفة الأشراف : ٦٤٤٢، ومصباح الزجاجة : ١٠٦٣) (ضعیف) (سند میں اختلاف کی وجہ سے یہ حدیث ضعیف ہے، ملاحظہ ہو : الإرواء : ١١٢٥ )