ابوایوب انصاری (رض) کہتے ہیں کہ رسول اللہ ﷺ نے قضائے حاجت کے وقت قبلہ کی طرف منہ کرنے سے منع فرمایا، اور فرمایا : مشرق (پورب) کی طرف منہ کرو، یا پچھم کی طرف ١ ؎۔ تخریج دارالدعوہ : صحیح البخاری/الوضوء ١١ (١٤٤) ، الصلاة ٢٩ (٣٩٤) ، صحیح مسلم/الطہارة ١٧ (٢٦٤) ، سنن ابی داود/الطہارة ٤ (٩) ، سنن الترمذی/الطہارة ٦ (٨) ، سنن النسائی/الطہارة ٢٠ (٢١) ، ٢١ (٢٢) ، (تحفة الأشراف : ٣٤٧٨) ، وقد أخرجہ : موطا امام مالک/القبلة ١ (١) ، مسند احمد (٥/٤١٦، ٤١٧، ٤٢١) ، سنن الدارمی/الطہارة ٦ (٦٩١) (صحیح ) وضاحت : ١ ؎: رسول اللہ ﷺ کا یہ فرمان اہل مدینہ یا ان لوگوں کے لئے تھا، جن کا قبلہ اتر یا دکھن کو تھا، مسلمان کو قبلہ رخ ہو کر قضائے حاجت کے لئے نہ بیٹھنا چاہیے۔