ابو سعید خدری (رض) کہتے ہیں کہ ہم نے رسول اللہ ﷺ سے جنین (ماں کے پیٹ کے بچے) کے متعلق سوال کیا، تو آپ ﷺ نے فرمایا : تم اگر چاہو تو کھاؤ، کیونکہ اس کی ماں کے ذبح کرنے سے وہ بھی ذبح ہوجاتا ہے ١ ؎۔ ابوعبداللہ ابن ماجہ کہتے ہیں : میں نے کو سج اسحاق بن منصور کو لوگوں کے قول الذکاة لا يقضى بها مذمة کے سلسلے میں کہتے سنا : مذم ۃ ذال کے کسرے سے ہو تو ذمام سے مشتق ہے اور ذال کے فتحہ کے ساتھ ہو تو ذمّ سے مشتق ہے۔ تخریج دارالدعوہ : سنن ابی داود/الأضاحي ١٨ (٢٨٢٧) ، سنن الترمذی/الأطعمة ٢ (١٤٧٦) ، (تحفة الأشراف : ٣٩٨٦) ، وقد أخرجہ : مسند احمد (٢/٣١، ٣٩، ٥٣) (صحیح ) وضاحت : ١ ؎: مطلب یہ ہے کہ جنین جب ماں کے ذبح کئے جانے کے بعد مردہ برآمد ہوا ہو تو ایسے جنین کا کھانا حلال ہے، اسے دوبارہ ذبح کرنے کی ضرورت نہیں یہی مذہب اہل حدیث اور جمہور علماء کا ہے، لیکن امام ابوحنیفہ (رح) کہتے ہیں کہ اسے دوبارہ ذبح کیا جائے گا مگر یہ حدیث ان کے مذہب کے خلاف ہے۔