جابر (رض) کہتے ہیں کہ نبی اکرم ﷺ نے ہمیں حکم دیا کہ ہم اپنے مشکیزوں کے منہ باندھ کر اور برتنوں کو ڈھک کر رکھیں ١ ؎۔ تخریج دارالدعوہ : تفرد بہ ابن ماجہ، (تحفة الأشراف : ٢٧٩٢) ، وقد أخرجہ : صحیح مسلم/الأشربة ١٢ (٢٠١٣) ، سنن ابی داود/الجہاد ٨٣ (٦٠٤) ، مسند احمد (٣/٨٢) (یہ حدیث مکرر ہے، دیکھئے : ٣٤١١) (صحیح ) وضاحت : ١ ؎: اس حدیث سے معلوم ہوا کہ کھانے پینے کے برتنوں کو ڈھک کر رکھنا چاہیے تاکہ کھانے پینے کی چیز میں گرد و غبار نہ آنے پائے اور کیڑے مکوڑوں سے محفوظ رہے، نیز یہ حکم عام ہے، دن ہو یا رات، ٹھنڈی ہو یا گرمی۔