ابورہم کے عبید نامی غلام کہتے ہیں کہ ابوہریرہ (رض) کا سامنا ایک ایسی عورت سے ہوا جو خوشبو لگائے مسجد جا رہی تھی، تو انہوں نے کہا : اللہ کی بندی ! کہاں جا رہی ہو ؟ اس نے جواب دیا : مسجد، ابوہریرہ (رض) نے کہا : کیا تم نے اسی کے لیے خوشبو لگا رکھی ہے ؟ اس نے عرض کیا : جی ہاں، انہوں نے کہا : بیشک میں نے رسول اللہ ﷺ کو فرماتے ہوئے سنا ہے : جو عورت خوشبو لگا کر مسجد جائے، تو اس کی نماز قبول نہیں ہوتی یہاں تک کہ وہ غسل کرلے ۔ تخریج دارالدعوہ : سنن ابی داود/الترجل ٧ (٤١٧٤) ، (تحفة الأشراف : ١٤١٣٠) ، وقد أخرجہ : مسند احمد (٢/٢٤٦، ٢٩٧، ٣٦٥، ٤٤٤، ٤٦١) (حسن صحیح )