ابو سعید خدری (رض) سے روایت ہے کہ رسول اللہ ﷺ خطبہ دینے کے لیے کھڑے ہوئے تو جو باتیں کہیں، ان میں یہ بات بھی تھی : آگاہ رہو ! کسی شخص کو لوگوں کا خوف حق بات کہنے سے نہ روکے، جب وہ حق کو جانتا ہو ، یہ حدیث بیان کر کے ابو سعید خدری (رض) رونے لگے اور فرمایا : اللہ کی قسم ! ہم نے بہت سی باتیں (خلاف شرع) دیکھیں، لیکن ہم ڈر اور ہیبت کا شکار ہوگئے۔ تخریج دارالدعوہ : سنن الترمذی/الفتن ٢٦ (٢١٩١) ، (تحفة الأشراف : ٤٣٦٦) ، وقد أخرجہ : مسند احمد (٣/٧، ١٩، ٦١، ٧٠) (صحیح )