ابوہریرہ (رض) کہتے ہیں کہ رسول اللہ ﷺ نے ارشاد فرمایا : جب تم وضو کرو تو داہنے اعضاء سے شروع کرو ١ ؎۔ تخریج دارالدعوہ : سنن ابی داود/اللباس ٤٤ (٤١٤١) ، (تحفة الأشراف : ١٢٣٨٠) ، وقد أخرجہ : مسند احمد (٢/٣٥٤) (صحیح ) وضاحت : ١ ؎: ان حدیثوں سے معلوم ہوا کہ وضو میں پہلے داہنا ہاتھ دھوئے، اور جوتا پہلے داہنے پاؤں میں پہنے، اسی طرح کنگھی پہلے سر کے داہنی طرف کرے پھر بائیں طرف، یہی مسنون ہے، اور نبی اکرم ﷺ کی یہی عادت مبارکہ تھی۔ اس سند سے بھی اسی کی ہم معنی حدیث مروی ہے۔