سعد بن ابی وقاص (رض) کہتے ہیں کہ میں نے عرض کیا : اللہ کے رسول ! لوگوں میں سب سے زیادہ مصیبت اور آزمائش کا شکار کون ہوتا ہے ؟ آپ ﷺ نے فرمایا : انبیاء، پھر جو ان کے بعد مرتبہ میں ہیں، پھر جو ان کے بعد ہیں، بندے کی آزمائش اس کے دین کے مطابق ہوتی ہے، اگر وہ دین میں سخت اور پختہ ہے تو آزمائش بھی سخت ہوگی، اور اگر دین میں نرم اور ڈھیلا ہے تو مصیبت بھی اسی انداز سے نرم ہوگی، مصیبتوں سے بندے کے گناہوں کا کفارہ ہوتا رہتا ہے یہاں تک کہ بندہ روے زمین پر اس حال میں چلتا ہے کہ اس پر کوئی گناہ نہیں ہوتا ۔ تخریج دارالدعوہ : سنن الترمذی/الزہد ٥٦ (٢٣٩٨) ، (تحفة الأشراف : ٣٩٣٤) ، وقد أخرجہ : مسند احمد (١/١٧٢، ١٧٣، ١٨٠، ١٨٥) ، سنن الدارمی/الرقاق ٦٧ (٢٨٢٥) (حسن صحیح )