ابوبکرہ (رض) کہتے ہیں کہ رسول اللہ ﷺ نے فرمایا : کوئی گناہ ایسا نہیں ہے جس کے کرنے پر آخرت کے عذاب کے ساتھ جو اللہ تعالیٰ نے اس کے لیے تیار کر رکھا ہے دنیا میں بھی سزا دینی زیادہ لائق ہو سوائے بغاوت اور قطع رحمی کے ١ ؎۔ تخریج دارالدعوہ : سنن ابی داود/الأدب ٥١ (٤٩٠٢) ، سنن الترمذی/صفة القیامة ٥٧ (٢٥١١) ، (تحفة الأشراف : ١١٦٩٣) ، وقد أخرجہ : مسند احمد (٥/٣٦، ٣٨) (صحیح ) وضاحت : ١ ؎: یعنی امام برحق کی اطاعت نہ کرنا اور اس سے مقابلہ کرنے کے لئے مستعد ہونا، اور بعضوں نے کہا بغی سے یہاں ظلم مراد ہے یعنی لوگوں کو ستانا اور ان کی حق تلفی کرنا۔