انس بن مالک (رض) کہتے ہیں کہ رسول اللہ ﷺ نے فرمایا : یہ ابن آدم (انسان) ہے اور یہ اس کی موت ہے، اس کی گردن کے پاس، پھر اپنا ہاتھ آگے پھیلا کر فرمایا : اور یہاں تک اس کی آرزوئیں اور خواہشات بڑھی ہوئی ہیں ١ ؎۔ تخریج دارالدعوہ : سنن الترمذی/صفة القیامة ٢٢ (٢٣٣٤) ، (تحفة الأشراف : ١٠٧٩) ، وقد أخرجہ : صحیح البخاری/الرقاق ٤ (٦٤١٨) ، مسند احمد (٣/١٢٣، ١٣٥، ١٤٢، ٢٥٧) (صحیح ) وضاحت : ١ ؎: حدیث کا مطلب یہ ہے کہ پہلے آپ نے قد آدم تک اشارہ کیا کہ یہ آدمی ہے پھر ذرا کم کر کے بتلایا کہ یہ اس کی عمر ہے پھر اس سے بڑھا کر بتلایا کہ یہ آرزو ہے، یعنی اس کی عمر سے بہت بڑھی ہوئی ہے۔