ہانی بربری مولیٰ عثمان کہتے ہیں کہ عثمان بن عفان (رض) جب کسی قبر پر کھڑے ہوتے تو رونے لگتے یہاں تک کہ ان کی ڈاڑھی تر ہوجاتی، ان سے پوچھا گیا کہ آپ جنت اور جہنم کا ذکر کرتے ہیں تو نہیں روتے اور قبر کو دیکھ کر روتے ہیں ؟ انہوں نے جواب دیا کہ رسول اللہ ﷺ نے فرمایا ہے : قبر آخرت کی پہلی منزل ہے، اگر وہ اس منزل پر نجات پا گیا تو اس کے بعد کی منزلیں آسان ہوں گی، اور اگر یہاں اس نے نجات نہ پائی تو اس کے بعد کی منزلیں اس سے سخت ہیں ، اور کہنے لگے : رسول اللہ ﷺ نے فرمایا : میں نے کبھی قبر سے زیادہ ہولناک کوئی چیز نہیں دیکھی ۔ تخریج دارالدعوہ : سنن الترمذی/الزھد ٥ (٢٣٠٨) ، (تحفة الأشراف : ٩٨٣٩) ، وقد أخرجہ : مسند احمد (١/٦٣) (حسن )