ابوسعید خدری (رض) کہتے ہیں کہ رسول اللہ ﷺ نے فرمایا : میں اولاد آدم کا سردار ہوں اور یہ فخریہ نہیں کہتا، قیامت کے دن زمین سب سے پہلے میرے لیے پھٹے گی، اور میں یہ فخریہ نہیں کہتا، میں پہلا شفاعت کرنے والا ہوں اور سب سے پہلے میری شفاعت قبول ہوگی، اور میں فخریہ نہیں کہتا، حمد کا جھنڈا قیامت کے دن میرے ہاتھ میں ہوگا، اور میں یہ فخریہ نہیں کہتا ۔ تخریج دارالدعوہ : سنن الترمذی/تفسیر القرآن ١٨ (٣١٤٨) ، المناقب ١ (٣٦١٥) ، (تحفة الأشراف : ٤٣٦٧) ، وقد أخرجہ : مسند احمد (٣/٢) (صحیح )