مستورد بن شداد (رض) کہتے ہیں کہ میں نے رسول اللہ ﷺ کو دیکھا آپ ﷺ نے وضو کیا تو اپنی سب سے چھوٹی انگلی سے اپنے پیروں کی انگلیوں کا خلال کیا ١ ؎۔ تخریج دارالدعوہ : سنن ابی داود/الطہارة ٥٨ (١٤٨) ، سنن الترمذی/الطہارة ٣٠ (٤٠) ، (تحفة الأشراف : ١١٢٥٦) ، مسند احمد (٤/٢٢٩) (صحیح ) وضاحت : ١ ؎: اس سے معلوم ہوا کہ پیروں کی انگلیوں کے درمیان خلال مسنون ہے، انگلیوں کے خلال کا طریقہ یہ ہے کہ دو انگلیوں کے درمیان انگلی اس طرح داخل کرے کہ دونوں انگلیوں کا درمیانی حصہ پوری طرح تر ہوجائے۔ اس سند سے بھی اسی جیسی حدیث مروی ہے۔