صفوان بن عسال (رض) کہتے ہیں کہ رسول اللہ ﷺ ہمیں حکم دیتے تھے کہ ہم اپنے موزوں کو تین دنوں تک جنابت کے سوا پاخانے، پیشاب اور نیند کے سبب نہ اتاریں ١ ؎۔ تخریج دارالدعوہ : سنن الترمذی/الطہارة ٧١ (٩٦) ، الدعوات ٩٩ (٣٥٣٥) ، سنن النسائی/الطہارة ٩٨ (١٢٦) ، ١١٣ (١٥٨) ، ١١٤ (١٥٩) ، (تحفة الأشراف : ٤٩٥٢) ، وقد أخرجہ : مسند احمد (٤/٢٣٩، ٢٤٠، ٢٤١) (حسن ) وضاحت : ١ ؎: اس باب کی احادیث سے ثابت ہوا کہ معمولی نیند سے یا سجدہ وغیرہ میں سو جانے سے وضو نہیں ٹوٹتا، ہاں لیٹ کر سو گیا تو وضو کرے مسافر کے لئے جائز ہے کہ اگر موزے وضو کے بعد پہنے ہیں تو تین دن تین رات تک نہ اتارے مسح کرتا رہے، اگر غسل جنابت ہو تو اتارنا ضروری ہے، مقیم کے لئے موزوں پر مسح ایک دن ایک رات کے لئے ہے۔