انس (رض) سے روایت ہے کہ ام سلیم (رض) نے نبی اکرم ﷺ سے پوچھا کہ عورت اپنے خواب میں وہی چیز دیکھے جو مرد دیکھتا ہے ؟ تو رسول اللہ ﷺ نے فرمایا : جب وہ ایسا دیکھے اور اسے انزال ہو، تو اس پر غسل ہے ، ام سلمہ (رض) نے کہا : اللہ کے رسول ! کیا ایسا بھی ہوتا ہے ؟ آپ ﷺ نے فرمایا : ہاں، مرد کا پانی سفید اور گاڑھا ہوتا ہے، اور عورت کا پانی زرد اور پتلا ہوتا ہے، ان دونوں میں سے جس کا پانی پہلے ماں کے رحم (بچہ دانی) میں پہنچ جائے یا غالب رہے، بچہ اسی کے ہم شکل ہوتا ہے ۔ تخریج دارالدعوہ : صحیح مسلم/الحیض ٧ (٣١١) ، سنن النسائی/الطہارة ١٣١ (١٩٥) ، (تحفة الأشراف : ١١٨١) ، وقد أخرجہ : مسند احمد (٣/١٢١، ١٩٩، ٢٨٢) ، سنن الدارمی/الطہارة ٧٦ (٧٩١) (صحیح )