خباب (رض) کہتے ہیں کہ ہم نے رسول اللہ ﷺ سے ریت کی گرمی (زمین کی تپش) کی شکایت کی، تو آپ نے ہماری شکایت کو نظر انداز کردیا ١ ؎۔ تخریج دارالدعوہ : تفرد بہ ابن ماجہ، (تحفة الأشراف : ٣٥١٢) ، وقد أخرجہ : صحیح مسلم/المساجد ٣٣ (٦١٩) ، سنن النسائی/المواقیت ٢ (٤٩٨) مسند احمد (٥/١٠٨، ١١٠) (صحیح ) وضاحت : ١ ؎: یعنی نماز کی تاخیر گوارا نہ کی، اور ظہر کی نماز تاخیر سے پڑھنے کی اجازت نہیں دی جیسا کہ صحیح مسلم کی روایت میں صراحت ہے۔ اس سند سے بھی اسی جیسی حدیث مروی ہے۔