ابو سعید خدری (رض) کہتے ہیں کہ رسول اللہ ﷺ نے ہمیں مغرب کی نماز پڑھائی، پھر آدھی رات تک (حجرہ سے) باہر نہ آئے، پھر نکلے اور لوگوں کو عشاء کی نماز پڑھائی اور فرمایا : اور لوگ نماز پڑھ کر سو گئے، اور تم برابر نماز ہی میں رہے جب تک نماز کا انتظار کرتے رہے، اگر مجھے کمزوروں اور بیماروں کا خیال نہ ہوتا تو میں اس نماز کو آدھی رات تک مؤخر کرنا پسند کرتا ۔ تخریج دارالدعوہ : سنن ابی داود/الصلاة ٧ (٤٢٢) ، سنن النسائی/المواقیت ٢٠ (٥٣٩) ، (تحفة الأشراف : ٤٣١٤) (صحیح)