ابو حمید ساعدی (رض) سے روایت ہے کہ لوگوں نے کہا : اللہ کے رسول ! ہمیں آپ پر درود بھیجنے کا حکم دیا گیا ہے تو ہم آپ پر درود کیسے بھیجیں ؟ آپ ﷺ نے فرمایا : کہو : اللهم صل على محمد وأزواجه وذريته كما صليت على إبراهيم و بارک على محمد وأزواجه وذريته كما بارکت على آل إبراهيم في العالمين إنک حميد مجيد اے اللہ ! محمد ( ﷺ ) اور ان کی بیویوں اور ان کی اولاد پر رحمت نازل فرما جیسا کہ تو نے ابراہیم (علیہ السلام) پر نازل فرمائی ہے اور محمد ( ﷺ ) اور ان کی بیویوں اور ان کی اولاد پر برکت نازل فرما جیسا کہ تو نے ابراہیم (علیہ السلام) کی آل پر سارے جہاں میں برکت نازل فرمائی ہے، بیشک تو تعریف اور بزرگی والا ہے ۔ تخریج دارالدعوہ : صحیح البخاری/أحادیث الأنبیاء ١٠ (٣٣٦٩) ، الدعوات ٣٣ (٦٣٦٠) ، صحیح مسلم/الصلاة ١٧ (٤٠٧) ، سنن ابی داود/الصلاة (٩٧٩) ، ١٨٣ (١٢٩٣) ، سنن النسائی/السہو ٥٤ (١٢٩٥) ، (تحفة الأشراف : ١١٨٩٦) ، وقد أخرجہ : موطا امام مالک/ قصرالصلاة ٢٢ (٦٦) ، مسند احمد (٥/٤٢٤) (صحیح )