ابو سعید خدری (رض) کہتے ہیں کہ رسول اللہ ﷺ نے فرمایا : بلند درجے والوں کو (جنت میں) نیچے درجہ والے دیکھیں گے جس طرح چمکتا ہوا ستارہ آسمان کی بلندیوں میں دیکھا جاتا ہے، اور ابوبکرو عمر بھی انہیں میں سے ہیں، اور ان میں سب سے فائق و برتر ہیں ١ ؎۔ تخریج دارالدعوہ : سنن الترمذی/المنا قب ١٦ (٣٦٥٨) ، (تحفة الأشراف : ٤٢٠٦) ، وقد أخرجہ : سنن ابی داود/الحروف والقراء ات ١ (٣٩٨٧) ، مسند احمد (٣/٢٧، ٧٢، ٩٣، ٩٨) (صحیح) (اس سند میں عطیة العوفی ضعیف ہیں، امام ترمذی نے اسے حسن کہا ہے، اور سنن ابی داود کا سیاق اس سے مختلف ہے ( ٣٩٧٨ ) ، شیخ البانی نے شواہد کی بناء پر اس کی تصحیح کی ہے، صحیح ابن ماجہ : ٩٦ ) وضاحت : ١ ؎: اس حدیث سے شیخین (ابوبکر و عمر رضی اللہ عنہما) کے درجات کی بلندی کا علم ہوتا ہے۔