ابوشریح خزاعی (رض) کہتے ہیں کہ رسول اللہ ﷺ نے فرمایا : جس شخص کا خون کردیا جائے، یا اس کو زخمی کردیا جائے، اسے (یا اس کے وارث کو) تین باتوں میں سے ایک کا اختیار ہے، اگر وہ چوتھی بات کرنا چاہے تو اس کا ہاتھ پکڑ لو، تین باتیں یہ ہیں : یا تو قاتل کو قصاص میں قتل کرے، یا معاف کر دے، یا خون بہا (دیت) لے لے، پھر ان تین باتوں میں سے کسی ایک کو کرنے کے بعد اگر بدلہ لینے کی بات کرے، تو اس کے لیے جہنم کی آگ ہے، وہ اس میں ہمیشہ ہمیش رہے گا ۔ تخریج دارالدعوہ : سنن ابی داود/الدیات ٣ (٤٤٩٦) ، (تحفة الأشراف : ١٢٠٥٩) ، وقد أخرجہ : مسند احمد (٤/٣١) ، سنن الدارمی/الدیات ١ (٢٣٩٦) (ضعیف) (اس سند میں ابن أبی العوجاء ضعیف ہے )