ابوہریرہ (رض) کہتے ہیں کہ رسول اللہ ﷺ نے فرمایا : میں نے خواب میں سونے کے دو کنگن دیکھے، پھر میں نے انہیں پھونک ماری (تو وہ اڑ گئے) ، پھر میں نے اس کی تعبیر یہ سمجھی کہ اس سے مراد نبوت کے دونوں جھوٹے دعوے دار مسیلمہ اور عنسی ہیں ١ ؎۔ تخریج دارالدعوہ : تفرد بہ ابن ماجہ، (تحفة الأشراف : ١٥٠٩٧) ، وقد أخرجہ : صحیح البخاری/المناقب ٢٥ (٣٦٢١) ، صحیح مسلم/الرؤیا ٤ (٢٢٧٤) ، سنن الترمذی/الرؤیا ١٠ (٢٢٩٢) ، مسند احمد (٢/٣٣٨، ٣٤٤) (صحیح ) وضاحت : ١ ؎: نبوت کے یہ دونوں جھوٹے دعویدار مارے گئے، اسود عنسی فیروز دیلمی (رض) کے ہاتھ سے مارا گیا، اور مسیلمہ کذاب وحشی بن حرب حبشی (رض) کے ہاتھوں مارا گیا۔