ابوہریرہ (رض) کہتے ہیں کہ نبی اکرم ﷺ نے اپنے صحابہ کو کوئی نماز پڑھائی، (ہمارا خیال ہے کہ وہ صبح کی نماز تھی) نماز سے فراغت کے بعد آپ ﷺ نے فرمایا : کیا تم میں سے کسی نے قراءت کی ہے ؟ ، ایک آدمی نے کہا : جی ہاں، میں نے کی ہے، آپ ﷺ نے فرمایا : میں سوچ رہا تھا کہ کیا بات ہے قرآن پڑھنے میں کوئی مجھ سے منازعت (کھینچا تانی) کر رہا ہے ۔ تخریج دارالدعوہ : سنن ابی داود/الصلاة ١٣٧ (٨٢٦، ٨٢٧) ، سنن الترمذی/الصلاة ١١٧ (٣١٢) ، سنن النسائی/الافتتاح ٢٨ (٩٢٠) ، (تحفة الأشراف : ١٤٢٦٤) ، وقد أخرجہ : موطا امام مالک/الصلاة ١٠ (٤٤) ، مسند احمد (٢/٢٤٠، ٢٨٤، ٢٨٥، ٣٠٢، ٤٨٧) (صحیح )