ابوہریرہ (رض) کہتے ہیں کہ رسول اللہ ﷺ نے فرمایا : امام اس لیے ہے کہ اس کی اقتداء کی جائے، لہٰذا جب وہ ألله أكبر کہے تو تم بھی ألله أكبر کہو، اور جب قراءت کرے تو خاموشی سے اس کو سنو ١ ؎، اور غير المغضوب عليهم ولا الضالين کہے تو آمین کہو، اور جب رکوع کرے تو تم بھی رکوع کرو، اور جب سمع الله لمن حمده کہے تو اللهم ربنا ولک الحمد کہو، اور جب سجدہ کرے تو تم بھی سجدہ کرو، اور جب بیٹھ کر نماز پڑھائے تو تم سب بھی بیٹھ کر پڑھو ٢ ؎۔ تخریج دارالدعوہ : سنن ابی داود/الصلاة ٦٩ (٦٠٤) ، سنن النسائی/الافتتاح ٣٠ (٩٢٢، ٩٢٣) ، (تحفة الأشراف : ١٢٣١٧) ، وقد أخرجہ : صحیح البخاری/الأذان ٧٤ (٧٢٢) ، صحیح مسلم/الصلاة ١٩ (١٤٤) ، مسند احمد (٢/٣٧٦، ٤٢٠) ، سنن الدارمی/الصلاة ٧١ (١٣٥٠) ، (یہ حدیث مکرر ہے، دیکھئے : ٩٦٠، ١٢٣٩) (حسن صحیح )