حسن بصری کہتے ہیں کہ سمرہ (رض) نے کہا کہ میں نے نماز میں دو سکتے یاد کئے، ایک سکتہ قراءت سے پہلے اور ایک سکتہ رکوع کے وقت، اس پر عمران بن حصین (رض) نے ان کا انکار کیا تو لوگوں نے مدینہ ابی بن کعب (رض) کو لکھا تو انہوں نے سمرہ (رض) کی تصدیق کی۔ تخریج دارالدعوہ : سنن ابی داود/الصلاة ١٢٤ (٧٨٢) ، (تحفة الأشراف : ٤٦٠٩) ، وقد أخرجہ : مسند احمد (٥/١١، ٢١، ٢٣) (ضعیف) (اس حدیث میں حسن بصری ہیں جن کا سماع سمرہ (رض) سے حدیث عقیقہ کے علاوہ کسی اور حدیث سے ثابت نہیں ہے، اس لئے یہ حدیث ضعیف ہے، ملاحظہ ہو : حدیث نمبر ٨٤٤ )