سائب بن یزید کہتے ہیں کہ عبداللہ بن عمرو حضرمی حضرت عمر فاروق (رض) کے پاس آئے۔ ان کے ساتھ ان کا ایک غلام تھا۔ عبداللہ کہنے لگے اس نے چوری کی ہے۔ اس کو ہاتھ کاٹنے کی سزا دی جائے۔ آپ نے دریافت فرمایا۔ اس نے کیا چوری کی ہے ؟ انھوں نے کہا میری بیوی کا آئینہ چوری کیا ہے۔ جس کی قیمت ساتھ درہم ہے۔ حضرت عمر (رض) نے فرمایا اسے چھوڑ دو ۔ اس کا ہاتھ نہ کاٹا جائے گا۔ اس لیے کہ تمہارا خادم ہے۔ اور اس نے تمہاری چیز چرائی ہے ( اس روایت کو امام مالک (رح) نے باب مالاقطع فیہ میں ذکر کیا ہے)
قول محمد (رح) یہ ہے : ہم اسی کو اختیار کرتے ہیں کہ اگر کسی شخص کے غلام نے اس کے رحم کے رشتہ دار، مالک کی بیوی اپنی مالکہ کے شوہر کی گوئی چیز چوری کرلی تو اس کا ہاتھ نہ کاٹا جائے گا۔ اور کس طرح اس کا ہاتھ کاٹا جاسکتا ہے۔ جب کہ کوئی شخص اپنے بھائی، بہن، پھوپھی، عخالہ کی کوئی جیز چوری کرے اور وہ ضروت مند ہے یا محتاج ہے یا اپاہج یا بچہ یا محتاج لڑکی ہو کہ جس کے خرچہ پر ان کو مجبور کیا جاسکا ہے۔ اور اس کا ان کے مال میں حصہ ہے۔ تو اس کی چوری پر کس طرح اس کا ہاتھ کاٹا جاسکتا ہے۔ یہ تمام امام ابوحنیفہ (رح) اور ہمارے عام فقہاء کے اقوال ہیں۔

عبداللہ بن عبد الرحمن بن ابو حسین (رض) نے بیان کیا کہ رسول اللہ (صلی اللہ علیہ وآلہ وسلم) نے فرمایا کہ درخت سے لگے ہوئے پھل یا پہاڑ پر بغیر محافظ کے پھرنے والی بکری کی چوری پر ہاتھ نہ کاٹا جائے گا لیکن جب بکری گھر میں آجائے یا پھل توڑ لیا جائے کاٹ کر خشک کرنے کے لیے رکھا جائے اور اس کی قیمت ڈھال کے برابر ہو تو ہاتھ کاٹا جائے گا۔ ( اس روایت کو باب ما یجب فیہ القطع میں امام مالک (رح) نے ذکر فرمایا ہے)
قول محمد (رح) یہ ہے : کہ ہم اسی کو اختیار کرتے ہیں۔ جس نے درخت پر لگے ہوئے پھل کو جرایا یا اس بکری کو جو چراکاہ میں ہو تو اس کا ہاتھ نہ کاٹا جائے گا۔ لیکن جب پہل خشک کرنے کے لیے اس کی جگہ میں پھیلادیں یا گہر میں رکھ دیں اور بکری اپنے باڑے میں آجائے اور اس کا کوئی محافظ ہو، اسی یطرح چور آیا اور اس نے انی چوری کی جس کی قیمت ڈھال کے برابر ہو تو اس کا ہاتھ کاٹا جائے گا۔ اس زمانہ میں ڈھال کی قمیت دس درہم کے برابر ہوا کرتی تھی۔ اس سے کم قیمت کی چیز پر ہاتھ کانا روانہ ہوگا۔ یہی امام ابوحنیفہ (رح) اور ہمارے عام فقہاء کا قول ہے۔

محمد بن یحی بن حبان بیان کرتے ہیں کہ ایک غلام نے کسی کے باغ میں سے کھجور کا پودا چوری کیا اور اپنے آقا کے باغ میں لگادیا۔ پودے کا مالک اس کو تلاش کرنے نکلا اور اسے پالیا۔ اس نے مروان بن حکم کے پاس جاکر دعوی دائر کردیا۔ مروان نے غلام کو قید کردیا اور اس کا ہاتھ کاٹنے کا ارادہ کیا غلام کا آقا حضرت رافع بن خدیج (رض) کی خدمت میں گیا اور ان سے مسئلہ دریافت کیا د۔ انھوں نے بتلایا کہ میں نے رسول اللہ (صلی اللہ علیہ وآلہ وسلم) کو فرماتے ہوئے سنا کہ نہ پھل کی چوری میں ہاتھ کاٹا جاسکتا ہے اور نہ گودے کی چوری میں گودے سے کھجور کا گودا مراد ہے۔ اس شخص نے کہا مروان نے میرے غلام کو پکڑ لیا ہے اور وہ اس کا ہاتھ کاٹنا چاہتا ہے۔ میری خواہش یہ ہے کہ آپ مروان کے پاس چل کر انھیں یہ ارشاد نبوت سنادیں ج و کہ آپ نے خود جناب رسول اللہ (صلی اللہ علیہ وآلہ وسلم) سے سنا ہوا ہے۔ پس رافع (رض) مروان کے پاس آئے اور اس سے کہا کیا تم نے اس کے غلام کو پکڑا ہوا ہے ؟ اس نے جواب دیا ہاں۔ پھر دریافت کار اس کے ساتھ کیا کرنا چاہتے ہو ؟ مروان نے کہا میں اس کا ہاتھ کاٹنا چاہتا ہوں رافع (رض) نے کہا میں نے رسول اللہ (صلی اللہ علیہ وآلہ وسلم) کو فرماتے سنا ہے کہ پہل اور پودے کی چوری پر ہاتھ نہیں کاٹا جاسکتا۔ مروان نے غلام کو قید سے رہائی کا حکم دے دیا۔ ( اس روایت کو امام مالک نے باب ما لا قطع فیہ میں ذکر کیا ہے)
قول محمد (رح) یہ ہے : ہم اسی کو اختیار کرتے ہیں، کہ درخت پر لگے ہوئے پھل کی چوری، کھجور کے گودے پنیری پودے اور درخت کے چرالینے پر ہاتھ کاٹنے کی سزا نہیں ہے۔ یہی امام ابوحنیفہ (رح) کا قول ہے۔

صفوان بن امیہ (رض) سے کہ گیا کہ جس نے ہجرت نہ کی وہ ہلاک ہوا۔ انھوں نے سواری منگوائی اور سوار ہو کر رسول اللہ (صلی اللہ علیہ وآلہ وسلم) کی خدمت میں حاضر ہوگئے۔ اور عرض کیا کہ مجھے بتلایا کیا ہے کہ جس نے ہجرت نہ کی وہ ہلاک ہوگیا۔ تو رسول اللہ (صلی اللہ علیہ وآلہ وسلم) نے فرمایا۔ اے ابو وہب ! مکہ مکرمہ کی پتھریلی زمینوں کی طرف لوٹ جاؤ۔ صفوان مسجد میں اپنی چادر کا تکیہ لگار کر سوگئے۔ ایک چور يیا اور ان کی چار لے کر چل دیا۔ وہ چور کو پکڑ کر رسول اللہ (صلی اللہ علیہ وآلہ وسلم) کی خدمت میں لائے۔ آپ (صلی اللہ علیہ وآلہ وسلم) نے چور کا ہاتھ کاٹنے کا حکم دیا۔ صفوان نے کہا یا رسول اللہ (صلی اللہ علیہ وآلہ وسلم) میرا مقصد نہ تھا ۔ یہ چار اس پر صدقہ ہے۔ رسول اللہ (صلی اللہ علیہ وآلہ وسلم) نے فرمایا۔ میرے پاس آنے سے پہلے یہ کیوں نہ کہا تھا ؟ ( باب ترک الشفاعۃ للسارق میں امام مالک (رح) نے اس روایت کو ذکر کیا ہے)
قول محمد (رح) یہ ہے : کہ جب چور یا زنا کی تہمت والا امام یعنی حاکم کے سامنے پیش کردیا جائے۔ اس کے بعد مدعی اگر اپنا دعوی چھوڑے تو امام کے لیے اب گنجائش نہیں ہے کہ وہ حد کو معطل کرے بلکہ وہ حد کو جاری کرے گا۔ یہی امام ابوحنیفہ (رح) اور ہمارے عام فقہاء کا قول ہے۔

نافع (رح) نے بیان کیا کہ رسول اللہ (صلی اللہ علیہ وآلہ وسلم) نے ڈھال کی چوری پر ہاتھ کاٹا تھا جس کی قیمت تین درہم تھی۔

عمرہ بنت عبد الرحمن بیان کرتی ہیں کہ ام المؤمنین عائشہ صدیقہ (رض) مکہ مکرمہ روانہ ہوئیں۔ دو آزاد کردہ لونڈیان اور اولاد عدب اللہ بن ابی بکر (رض) کا ایک غلام ان کے ساتھ تھ۔ ان دولوں ڈیوں کے ساتھ ایک مراجل چادر روانہ کی۔ اس چارد پر ایک سبز کپڑأ سلائی کردیا۔ عمرہ کہتی ہیں کہ غلام نے وہ چادر لی اور سبز کپڑا پھاڑ کر نکال لیاد اور اس جگہ پوستین یا نمدہ رکھ کر سلائی کردی۔ جب ہم مدینہ منورہ پہنچے تو اس نے وہ چادر اس کے مالکو پہنچادی۔ اس نے چادر کو کھولا تو سبز چادر کی بجائے نمدہ تھا۔ ان دونوں لونڈیوں سے دریافت کیا گیا۔ تو انھوں نے حضرت عائشہ (رض) عنہا کو بتایا یا بذریعہ خط اطلاع دی اور اس غلام پر شبہ ظاہر کیا۔ غلام سے دریافت کیا : یا تو اس نے اعتراف کرلیا۔ حضرت عائشہ (رض) عنہا نے اس کا ہاتھ کاٹنے کا حکم دیا۔ اس کا ہاتھ کاٹ دیا گیا۔ حضرت عائشہ (رض) عنہا نے فرمایا ربع دینار یا اس سے زیادہ پر ہاتھ کاتا جاتا ہے۔ (اس روایت کو امام مالک (رح) ما یجب فیہ القطع میں ذکر کیا ہے)

ابوبکر بن عبد الرحمن نے عمرہ بنت عبد الرحمن سے نقل کیا کہ حضرت عثمان غنی (رض) کے زمانہ خلافت میں ایک چور نے ایک ترنج چرالیا حضرت عثمان (رض) نے اس کی قیمت لگانی کا حکم دیا۔ اس کی قیمت بارہ درہم فی دینار کے حساب سے تین درہم لگائی گئی۔ حضرت عثمان (رض) نے اس کا ہاتھ کاٹ دیا۔ ( اس روایت کو باب ما یجب فیہ القطع میں ذکر کیا ہے)
قول محمد (رح) یہ ہے : کہ لوگوں کا اس بارے میں اختلاف ہے کہ کس قدر چوری کرنے پر ہاتھ کاٹا جائے۔ اہل مدینہ کا قول یہ ہے کہ ربع دینار پر ہاتھ کاٹا جائے اور اس کی تائید میں مندرجہ بالا روایات پیش کرتے ہیں۔ اور اہل عراق کے نزدیک دس درہم سے کم میں ہاتھ نہیں کاٹا جائے گا۔ ور اس کے متعلق نبی اکرم (صلی اللہ علیہ وآلہ وسلم) ، عمر فاروق، عثمان غنی، علی مرتضی، عبداللہ بن مسعود (رض) عنہم سے احادیث مروی ہیں۔ پس جب حدود میں اختلاف ہوجائے تو پختہ کو اختیار کیا جائے گا اور یہی امام ابوحنیفہ (رح) اور عام فقہاء کا قول ہے۔

قاسم (رح) کہتے ہیں کہ ایک یمنی جس کا اک ہاتھ اور ایک پاؤں کٹا ہوا تھا وہ مدینہ منورہ آیا اور اس نے صدیق اکبر (رض) کی خدمت میں شکایت کی کہ عامل یمن نے اس کے ساتھ ظلم کیا ہے۔ قاسم کہتے ہیں کہ وہ نماز تہجد پڑھا کرتا تھا۔ حضرت ابوبکر (رض) نے فرمایا۔ تیرے باپ کے مالک کی قسم ! تیری رات چوروں کی رات نہیں پھر ابوبکر (رض) کی اہلیہ اسماء بنت عمیس کا ایک ہار گم ہوگیا تو وہ شخص لوگوں کے ساتھ پھرتا تھا اور کہتا تھا کہ اللہ تعالیٰ اسے برباد کرے جس نے اس نیکوکار کے گھر میں چوری کی۔ لوگوں نے وہ ہار ایک سنار کے ہاں پالیا۔ اس نے بتلایا کہ یہ اسے اسی کٹے ہوئے ہاتھ والے شخص نے دیا ہے۔ اس نے اعتراف بھی کرلیا یا گواہی سے ثابت ہوگیا تو حضرت ابوبکر (رض) نے حکم دیا اور اس کا بایاں ہاتھ کاٹ دیا گیا۔ حضرت ابوبکر (رض) نے فرمایا میرے نزدیک اس کی چوری سے زیادہ سخت بات اس کی اپنے حق میں بد دعا ثابت ہوئی ہے۔ (اس روایت کو امام مالک نے باب جامع القطع میں ذکر کیا ہے)
قول محمد (رح) یہ ہے : یہ ہر وایت حضرت عائشہ (رض) عنہا سے روایت کی جاتی ہے کہ انھوں نے فرمایا جس شخص نے حضرت اسماء کا زیور چرایا تھا اس کا دایاں ہاتھ کٹا ہوا تھا تو حضرت ابوبکر (رض) نے اس کا بایا پاؤں کاٹ دیا۔ وہ اس بات سے انکار کرتی تھیں کہ اس کا ایک ہاتھ اور ایک پاؤں کٹا ہوا تھا۔ ابن شہاب زہری اس خبر کو اور اس جیسی دیگر خبروں کو اپنے شہر کے دوسرے لوگوں کی نسبت زیادہ جانتے تھے۔ ہمیں یہ بات پہنچی ہے کہ عمر بن خطاب (رض) اور علی بن ابی طالب (رض) چور کے دائیں ہاتھ اور بائیں پاؤں سے زیادہ نہ کاٹتے تھے۔ اگر کوئی چور اس کے بعد بھی پکڑا جاتا تو وہ نہ کاٹتے تھے بلکہ اس سے تاوان وصول کرتے تھے۔ یہی امام ابوحنیفہ (رح) اور ہمارے عام فقہاء کا قول ہے۔

نافع (رح) بیان کرتے ہیں کہ عبداللہ بن عمر (رض) کے ایک مفرور غلام نے چوری کرلی۔ تو انھوں نے سعید بن العاص کے پاس اس کا ہاتھ کاٹنے کے لیے بھیجا۔ تو سعید نے اس کا ہاتھ کاٹنے سے انکار کردیا۔ اور کہا بھاگنے والا غلام جب چوری کرے تو اس کا ہاتھ نہ کاٹا جائے گا۔ ابن عمر (رض) نے کہا کیا تم نے اللہ تعالیٰ کی کتاب میں ایسا حکم پایا ہے۔ کہ مفرور چور کا ہاتھ نہ کاٹا جائے گا۔ چنانچہ ابن عمر (رض) نے حکم دیا اور اس کا ہاتھ کاٹ دیا گیا۔ ( اس روایت کو باب ما جاء فی قطع الاٰبق و السارق مں چ امام مالک (رح) نے ذکر کیا ہے)
قول محمد (رح) یہ ہے : مفرور یا غیر مفرور غلام چوری کریں ہر دو کا ہاتھ کاٹا جائے گا۔ لیکن امام کے سوا کسی کے لیے جائز نہیں۔ کہ اس کا ہاتھ کاٹے کیونکہ یہ حد ہے۔ اور حد شرعی جاری کرنے حق امام کو ہے۔ یا امام جس کو مقرر کردے۔ یہی امام ابوحنیفہ (رح) کا قول ہے۔

ابن شہاب زہری بیان کرتے ہیں کہ ایک شخص مروان بن حکم کے زمانہ میں کجھ اچک کرلے گیا۔ مروان نے اس کا ہاتھ کاٹنا چاہا تو زید بن ثابت (رض) اس کے پاس آئے اور اسے بتلایا کہ اس کا ہاتھ نہ کاٹا جائے گا۔ ( اس اثر کو امام مالک نے باب ما لا قطع میں نقل کیا ہے)
قول محمد (رح) یہ ہے : ہم اسی کو اختیار کرتے ہیں کہ اچکے کا ہاتھ نہ کاٹا جائے گا۔ یہی امام ابوحنیفہ (رح) کا قول ہے۔