Muawtta Imam Muhammad

حضرت عثمان بن عفان (رض) (رمضان کے متعلق کہا کرتے تھے) یہ تمہاری زکوۃ کا مہینہ ہے ) ۔ پس جس کے ذمہ قرضہ ہو وہ اپنا قرض ادا کرے پھر جو مال باقی رہ جائے پس اس میں سے زکوۃ ادا کرے۔
قول محمد (رح) یہ ہے : ہم اسی کو اختیار کرتے ہیں۔ جس کے ذمہ قرضہ ہو اور اس کے پاس مال ہو تو وہ اپنے مال میں سے اپنا قرضہ ادا کرے اگر اس کے بعد اتنا مال بچ جائے جس میں زکوۃ لازم ہوتی ہو تو اس میں زکوۃ ہے۔ اور اس کی اس نصاب کی مقدار چاندی کے حساب سے دو سو درہم یا بیس مثقال سونا ہے یا اس سے زیادہ ہو ( تو اس میں کزوۃ ہوگی) اگر قرض کی ادائیگی کے بعد بقیہ مال اس مقدار سے کم ہو تو اس میں زکوۃ نہیں ہے۔ اور یہی امام ابوحنیفہ (رح) کا قول ہے (اس روایت کو باب الزکوۃ فی الدین میں امام مالک نے ذکر کیا ہے) امام سرخسی نے مبسوط میں تصریح کی ہے کہ یہ رمضان کا مہینہ ہے کتاب الاثار میں رمضان کا لفظ خود موجود ہے

یزید بن خصیفہ کہتے ہیں کہ میں نے سلیمان بن یسار سے ایسے آدمی کے متعلق سوال کیا کہ جس کے پاس مال بھی ہو اور اتنی مقدار میں اس پر قرض ہو تو کیا ایسے شخص پر زکوۃ لازم ہوگی۔ تو وہ کہنے لگے نہیں۔ ( ان دونوں آثار کو امام مالک نے باب الزکوۃ فی الدین میں ذکر فرمایا ہے)
قول محمد (رح) یہ ہے : ہم اسی کو اختیار کرتے ہیں اور یہی امام ابوحنیفہ (رح) کا قول ہے)

ابو سعید الخدری (رض) کہتے ہیں کہ رسول اللہ (صلی اللہ علیہ وآلہ وسلم) نے فرمایا : پانچ وسق سے کم کھجور میں صدقہ نہیں ہے۔ اور چاندی کے پانچ اوقیہ سے کم میں صدقہ نہیں۔ اور پانچ اونٹ سے کم میں صدقہ یعنی زکوۃ نہیں۔ (اسی رویت کو امام مالک نے باب ما یجب فیہ الزکوۃ میں ذکر فرمایا ہے)
قول محمد (رح) یہ ہے : ہم اسی کو اختیار کرتے ہیں۔ امام صاحب (رح) بہی اسی کو اختیار کرتے تھے مکر ایک صورت میں وہ فرماتے جو زمین سے نکلے خواہ پیداوار کم ہو یا زیادہ بشرطیہ بارانی یا چشمہ سے یا بارش سے سیراب ہوتی ہو تو اس میں عشر ہے۔ اکر وہ زمین ڈول یا رہٹ سے سیراب ہوتی ہو تو اس میں نصف عشر ہے اور یہی ابراہیم نخعی اور مجاہد رحمہا اللہ کا قول ہے۔

نافع ابن عمر (رض) سے روایت کرتے ہیں کہ جب تک سال نہ گزرے زکوۃ لازم نہیں ہوتی۔ (اس روایت کو امام مالک (رح) نے باب الزکوۃ العین من الذہب و الورق میں ذکر کیا ہے)
قول محمد (رح) یہ ہے ہم اسی کو اختیار کرتے ہیں اور یہی امام ابوحنیفہ (رح) کا قول ہے۔ لیکن اگر کوئی نیا مال کمائی تو اسے بہی پہلے مال میں جامع کرے۔ جب پہلے میں زکوۃ واجب ہوگی تو دوسرے کی زکوۃ بھی اس کے ساتھ ادا کرے اور یہی امام ابوحنیفہ اور ابراہیم نخعی رحمہا اللہ کا قول ہے۔

قائم بن محمد (رح) ایک سوال کے جواب میں فرمانے لگے۔ ابوبکر صدیق (رض) اس وقت تک کسی مال سے زکوۃ وصول نہ کرتے تھے ۔ جب تک اس پر سال نہ گرز جائے۔ قاسم کہنے لگے حضرت لوکوں کو بیت المال سے وظائف عطاء فرماتے تو سوال کرتے کہ کیا تمہارے پاس اتنا مال ہے جس پر زکوۃ واجب ہوسکتی ہو ؟ اگر اس کا جواب ہاں میں ہوتا تو اس مال کی زکوۃ اس کے وظیفے سے لے لیتے۔ اگر اس کا جواب نفی میں ہوتا تو اس کا وظیفہ اس کے حوالے کردیتے تھے اور اس میں سے کچھ نہ لیتے تھے۔
قول محمد (رح) یہ ہے : ہم اسی کو اختیار کرتے ہیں اور یہی امام ابوحنیفہ (رح) کا قول ہے۔

قدامہ بن مظعون (رض) روایت کرتے ہیں کہ جب میں اپنا وظیفہ لینے کے لیے حضرت عثمان بن عفان (رض) کے پاس آتا تھا تو وہ استفسار فرماتے کہ کیا تمہارے پاس قابل زکوۃ مال موجود ہے ؟ اکر میں ہان میں جواب دیتا تو وہ اس مال کی زکوۃ میرے وظیفہ سے کاٹ لیتے تھے اور اگر میں کہتا کہ نہیں تو میرا وظیفہ میرے حوالے کردیتے۔ ( اس روایت کو باب الزکوۃ فی العین من الذہب والورق میں امام مالک (رح) نے نقل کیا ہے)

محمد بیان کرتے ہیں کہ عائشہ صدیقہ (رض) عنہا اپنی یتیم بھتیجیوں کو اپنی گود میں پالتی تھیں، اور ان کے زیورات سے زکوۃ نہ نکالتی تھیں۔

عبداللہ بن عمر (رض) اپنی بیٹیوں اور لونڈیوں کو سونے کا زیور پہناتے تھے پھر ان کے زیورات میں سے زکوۃ نہ نکالتے تھے۔
قول محمد (رح) یہ ہے : جواہرات کی قسم سے جو زیور ہوگا اور اسی طرح موتیوں سے ہوگا اس میں زکوۃ کسی حال میں بھی نہیں ہے۔ البتہ سونے اور چاندی کے زیورات میں زکو وۃ ہے۔ اگر یتیم بچے یا بچی کا زیور ہو جو کہ نابالغ ہوں تو ان کے مال میں زکوۃ نہیں اور یہی امام ابوحنیفہ (رح) کا قول ہے۔

عبداللہ بن عمر (رض) سے روایت ہے کہ حضرت عمر بن خطاب (رض) عن نبطیوں سے گندم اور زیتون میں سے نصف عشر لیا کرتے تھے اور اس سے ان کا مقصد یہ تھا کہ مدینہ منورہ میں تجارتی اجناس زیادہ سے زیادہ آئیں اور آپ دالوں کی اجناس سے عشر لیتے تھے۔ ( اس اثر کو امام مالک نے باب عشور اہل الذمہ میں ذکر کیا ہے)
قول محمد (رح) یہ ہے : کہ اہل ذمہ جب تجارت کے لیے دار الاسلام میں آمد و رفت کریں تو ان سے دالوں کی اجناس اور دیگر اجناس سے ہر سال میں ایک مرتبہ نصف عشر لیا جائے گا۔ اور اہل حرب جب دار الاسلام میں امام لے کر تجارت کے لیے آئیں تو ان سے تمام اجناس میں عشر وصول کیا جائے گا۔ حضرت عمر (رض) نے جب زیاد بن حدیر اور انس بن مالک کو کوفہ اور بصرہ کے عشرکا نگران بنا کر بھیجا تو انھیں یہی حکم دیا تھا اور امام ابوحنیفہ (رح) کا بھی یہی قول ہے۔

ابن شہاب (رح) کہتے ہیں کہ مج ہے اطلاع پہنچی ہے کہ رسول اللہ (صلی اللہ علیہ وآلہ وسلم) نے بحرین کے مجوسیوں سے جزیہ وصول کیا تھا۔ اور عمر (رض) نے ابران کے مجوسیوں سے جزیہ وصول کیا تھا۔ اور عثمان بن عفان (رض) نے اسے بربر سے وصول کیا تھا۔ بربر سے افریقی قبائل مراد ہیں۔ (اس روایت کو امام مالم نے باب جززیۃ اہل الکتاب و المجوس میں بیان کیا ہے)