Muawtta Imam Muhammad

عبداللہ بن عمر (رض) روایت کرتے ہیں کہ رسول اللہ (صلی اللہ علیہ وآلہ وسلم) نے فرمایا۔ اہل مدینہ ذو الحلفہ سے احرام باندھیں اور اہل شام جحفہ سے احرام باند ہیں اور اہل نجد قرن منازل سے احرام باندھیں، عبداللہ بن عمر فرماتے ہیں مجھے خبر پہنچی ہے کہ رسول اللہ (صلی اللہ علیہ وآلہ وسلم) نے فرمایا کہ اہل یمن یلملم سے احرام باندھیں۔ (ان کا خیال یہ ہے کہ یہ رسول اللہ (صلی اللہ علیہ وآلہ وسلم) نے فرمایا۔
اس روایت کو امام مالک (رح) نے باب مواقیت الاہلال میں ذکر کیا ہے۔

عبداللہ بن عمر (رض) کہتے تھی کہ رسول اللہ (صلی اللہ علیہ وآلہ وسلم) نے مدینہ والوں کو حکم دیا کہ وہ ذو الحلیفہ سے احرام باندھیں اور شام والوں کو حکم دیا کہ جحفہ سے احرام باندھین اور اہل نجد کم حکم دیا کہ وہ قرن منازل سے احرام باندھیں۔ عبداللہ کہتے ہیں کہ یہ تینوں میقات تو میں نے خود رسول اللہ (صلی اللہ علیہ وآلہ وسلم) سے سنے ہیں۔ اور مجھے یہ بتلایا گیا کہ رسول اللہ (صلی اللہ علیہ وآلہ وسلم) نے فرمایا یمن والے یلملم سے احرام باندھیں۔ ( اس روایت کو امام مالک (رح) نے باب مواقیت الاہلال میں ذکر کیا ہے)

نافع (رح) بیان کرتے ہیں کہ عبداللہ بن عمررضی اللہ عنہما نے فرع سے احرام باندہا۔ (اس روایت کو امام مالک (رح) نے مواقیت الاہل میں ذکر کیا ہے)

عبداللہ بن عمر (رض) نے ایلیا (بیت المقدس) سے احرام باندھا۔ ( اس روایت کو امام مالک نے مواقیت والے باب میں ذکر کیا ہے)
قول محمد (رح) یہ ہے : ہم اسی کو اختیار کرتے ہیں۔ یہ وہ مواقیت ہیں جو رسول اللہ (صلی اللہ علیہ وآلہ وسلم) نے مقرر فرمائے ہیں۔ ان سے کسی کو آگے گزرنا بغیر احرارم جائز نہیں جب کہ وہ حج و عمرے کا ارادہ رکھتا ہو۔ باقی عبداللہ بن عمر (رض) نے مقام فرع سے احرام باندہا وہ ذو الحلیفہ سے آگے مکہ کی جانب واقع ہے۔ فرع کے سامنے ایک اور میقات جحفہ آتا ہے۔ رسول اللہ (صلی اللہ علیہ وآلہ وسلم) نے اہل مدینہ کو اجازت دی ہے کہ وہ جحفہ سے احرام باندھ لیں ( یا ذو الحلیفہ سے) کیونکہ وہ بھی مواقیت میں سے ایک میقات ہے۔ ہمیں یہ روایت پہنچی ہے کہ آپ (صلی اللہ علیہ وآلہ وسلم) نے فرمایا جو شخص تم میں سے پسند کرے کہ وہ اپنے کپڑون سے جحفہ تک فائدہ حاصل کرے تو وہ ایسا کرسکتا ہے۔ اس اثر کو علی بن حسین (رح) نے رسول اللہ (صلی اللہ علیہ وآلہ وسلم) سے نقل کیا ہے۔

ابن عمر (رض) کہتے ہیں کہ عمر (رض) مسجد ذو الحلیفہ میں دو رکعت ادا کرتے جب ان کی اونٹنی کھڑی ہوجاتی تو اس وقت تلبیہ کہتے۔

عبداللہ بن عمر (رض) کہتے ہیں کہ نبی اکرم (صلی اللہ علیہ وآلہ وسلم) کا تلبیہ یہ تھا۔ لبیک اللہم لبیک لبیک لا شریک لک لبیک ان الحمد و النعمۃ لک و الملک لا شریک لک۔ نافع کہتے ہیں کہ ابن عمر (رض) اس میں لبیک لبیک وسعدیک و الخیر بیدیک و الرغباء الیک والعمل کا اضافہ فرماتے تھے۔
قول محمد (رح) یہ ہے : ہم اسی تلبیہ کو اختیار کرتے ہیں اور وہی پہلا تلبیہ رسول اللہ (صلی اللہ علیہ وآلہ وسلم) سے مروی ہے۔ اور جو اس میں اضافہ کرے۔ وہ اچھا ہے یاور یہی امام ابوحنیفہ (رح) کا قول ہے۔ اور ہمارے عام فقہاء اسی طرف گئے ہیں۔

محمد بن ابوبکر ثقفی نے انس بن مالک سے دریافت کیا جب کہ وہ دونوں منی سے عرفات جار رہے تھے۔ کہ يپ لوگ آج کے دن میں رسول اللہ (صلی اللہ علیہ وآلہ وسلم) کے ساتھ کیا کرتے تھے۔ انس کہنے لگے جو چاہتا تلبیہ کہتا اور اسے کچھ نہ کہا جاتا اور جو چاہتا تکبیر کہتا اور اسے کجھ نہ کہا جاتا۔ ( اس روایت کو امام مالک (رح) نے اسی باب قطع التلبیہ میں ذکر کیا ہے)

ابن عمر (رض) فرماتے ہیں یہ سب کچھ میں نے صحابہ کرام (رض) عنہم کو کرتے دیکھا باقی ہم تو تکبیر کہتے ہیں۔
قول محمد (رح) یہ ہے : ہم اسی کو اختیار کرتے ہیں کہ تلبیہ اس دن واجب ہے البتہ تکبیر کا کسی وقت انکار نہیں کیا جاسکتا۔ مگر تلبیہ کے مواقع ہیں انھیں میں ہونا چاہیے۔

عبداللہ بن عمر (رض) جب حرم میں پہنچتے تو تلبیہ ترک کردیتے یہاں تک کہ بیت اللہ کے جو اف اور صفا ومروہ کی سعی سے فارغ ہوجاتے پھر جب منی سے عرفات کو جاتے تو تبلیہ کہتے یعنی چلنے سے پہلے تک۔ جب چلنا شروع کرتے تو تلبیہ ترک کردیتے تھے۔ ( اور عمرہ میں جب حرم کے اندر داخل ہوتے تو تلبیہ ترک کردیتے)

عائشہ (رض) عنہا کے متعلق مروی ہے کہ جب وہ موقف کی طرف جاتیں ( عرفات میں زوال کے بعد ) تو تلبیہ چھوڑ دیتیں۔