Muawtta Imam Muhammad

نافع (رح) فرماتے ہیں کہ ابن عمر (رض) فرماتے کہ ایسی قربانیاں نہ کرو جو مسنہ نہ ہوں۔ جن کے اعضاء میں پیدائشی نقص ہو۔

نافع (رح) نے ابن عمر (رض) سے نقل کیا۔ کہ انھوں نے ایک مرتبہ مدینہ شریف میں قربانی کی تو انھوں نے مجھے حکم دیا کہ ان کے لیے لئے ایک سینگ والا بکر خرید لاؤں۔ پھر ان کی طرف سے قربانی کے دن عید گاہ میں ذبح کروں۔ میں نے اسی طرح کیا۔ (خرید لایا) پھر قربانی کا جانور ان کی خدمت میں پیش کیا۔ جب ان کا بکر ذبح کیا گیا تو انھوں نے اپنا سر منڈیا۔ وہ بیماری کی وجہ سے لوگوں کے ساتھ عید گاہ نہ جاسکے۔ ن ٧ اف ٧ ع کہتے ہیں کہ ابن عمر (رض) فرماتے تھے کہ قربانی دینے والے پر سر منڈانا واجب نہیں۔ جبکہ اس نے حج نہیں کیا ( حج کے موقعہ پر تو احرام سے نکلنے کے لیے منڈوانا ضروری ہے) عبداللہ بن عمر (رض) نے تبرکا یہاں سر منڈایا ۔ ( اس اثر کو باب ما یستحب من الضحایا میں ذکر کیا گیا ہے)
قول محمد (رح) یہ ہے : کہ اس روایت کو ہم مکمل طور پر اختیار کرتے ہیں۔ البتہ ہمارے ہاں چھ ماہ کا مینڈھا جو بڑا معلوم ہوتا ہو ( سال کے برابر نظر آئے) قربانی میں اس کو ذبح کرنا جائز قرار دیتے ہیں۔ قربانی کے متعلق بہت سے آثار وارد ہیں۔ جس میں فحل جائز ہے۔ اس میں خصی کی قربانی بہی جائز ہے۔ اور سرمنڈوانے کے سلسلہ میں ہم وہی کہتے ہیں جو ابن عمر (رض) نے فرمایا ہے۔ جس نے حج نہیں کیا اس پر قربانی کے دن سرمنڈوانا واجب نہیں۔ یہی امام ابوحنیفہ (رح) اور ہمارے عام فقہاء کا قول ہے۔

امام نافع (رح) نے ابن عمر (رض) کے متعلق نقل کیا ہے کہ وہ اس بچے کی طرف سے قربانی نہ کرتے تھے جو ابھی ماں کے پیٹ میں ہو۔
قول محمد (رح) یہ ہے : کہ ہم اسی کو اختیار کرتے ہیں کہ اس کے بچے کی طرف سے قربانی نہیں جو ابھی شکم مادر میں ہے۔

عبید بن فیروز بیان کرتے ہیں کہ براء بن عازب (رض) نے رسول اللہ (صلی اللہ علیہ وآلہ وسلم) سے دریافت کیا۔ کہ قربانی میں کن جانوروں سے بچنا چاہیے۔ آپ (صلی اللہ علیہ وآلہ وسلم) نے اپنے دست اقدس سے اشارہ فرمایا۔ اور ارشاد فرمایا وہ چار ہیں۔ براء بن عازب اپنے ہاتھ سے اسی طرح اشارہ کرتے اور فرماتے میرا تھا آنحضرت (صلی اللہ علیہ وآلہ وسلم) سے بہت ہیی چھوٹا ہے۔ وہ چار یہ ہے۔ (١) لنگڑا جانور جو چل نہ سکے۔ (٢) وہ کانا جانور جس کا کانا ہونا ظاہر ہو۔ (٣) وہ بیمار جانور جس کی بیماری ظاہر و غالب ہو۔ (٤) ایسی دبلی قربانی جس میں گودا اور مخ نہ رہی ہو۔ (اس روایت کو باب ما ینہی من الضحایا میں امام مالک لائے ہیں)
قول محمد (رح) یہ ہیگ ہم اسی کو اخیتار کرتے ہیں۔ البتہ لنگڑا جانور اپنے پاؤں پر چل سکتا تو جائز ہے۔ اگر نہ چل سکتا ہو تو ناجائز ہے۔ کانے جانور کی نصف سے زیادہ بینائی باقی ہو تو جائز ہے۔ اگر نصف جاتی رہے تو جائز نہیں اور مریض جانور سے مراد وہ ہے جو مرض کے سبب خراب ہوجائے۔ اور دبلی پتلی سے مرارد وہ جس میں چربی اور مخ نہ رہے۔ یہ دونوں بہی جائز نہ ہوں گے۔

عبداللہ بن واقد (رح) کہتے ہیں کہ ابن عمر (رض) نے روایت نقل کی کہ جناب رسول اللہ (صلی اللہ علیہ وآلہ وسلم) نے قربانی کا گوشت تین دن سے زیادہ کھانے سے منع فرمایا۔ عبداللہ بن ابوبکر (رض) نے کہا میں نے عمرہ بنت عبد الرحمن سے اس بات کا تذکر کیا ۔ تو انھوں نے کہا کہ ابن عمر (رض) نے سچ فرمایا ہے۔ میں نے خود ام المؤمنین عائشہ (رض) عنہا سے سنا وہ فرماتی تھیں کہ بادیہ نشینوں کی ایک جماعت رسول اللہ (صلی اللہ علیہ وآلہ وسلم) کے زمانہ مبارک میں قربانی کے دن پہنچی تو آپ (صلی اللہ علیہ وآلہ وسلم) نے فرمایا۔ تین دن کے لیے گوشت رکھو باقی خیرات کردو۔ آپ (صلی اللہ علیہ وآلہ وسلم) سے عرض کیا گیا یا رسول اللہ (صلی اللہ علیہ وآلہ وسلم) لوگ اپنی قربانیوں سے فائدہ اٹھاتے تھے۔ اور ان کی چربی جمع کرتے ت ہے اور ان کی کھالوں سے مشکیں تیار کرتے تھے۔ تو رسول اللہ (صلی اللہ علیہ وآلہ وسلم) نے فرمایا۔ یہ کیا بات ہے ؟ یا اسی قسم کی بات فرمائی۔ لوگوں نے عرض کیا ہم لوگوں کو تین دن سے زیادہ دن قربانی کا گوشت جمع کرنے سے روک دیا گیا ہے۔ تو رسول اللہ (صلی اللہ علیہ وآلہ وسلم) نے فرمایا تمہیں اس جماعت کے باعث روک دیا گیا تھا۔ جو قربانی کے دن آئی تھی۔ پس (اب تم) کھاؤ، خیرات کرو اور جمع کرکے رکھو۔

ابو زبیر مکی (رح) نے جابر بن عبداللہ (رض) سے نقل کیا کہ رسول اللہ (صلی اللہ علیہ وآلہ وسلم) تین دن کے بعد قربانی کا گوشت کھانے سے منع فرمایا کرتے تھے۔ پھر اس کے بعد فرمایا۔ کھاؤ، ذخیرہ کرو اور خیرات کرو۔ ( ان آثار و روایت کو امام مالک (رح) نے باب اور ادخار لحم الاضاحی میں ذکر کیا ہے)
قول محمد (رح) یہ ہے : کہ ہم اسی کو اختیار کرتے ہیں۔ اسمیں کوئی حرج نہیں کہ کوئی شخص قربانی کے گوشت میں سے کھائے، جمع کرے اور خیرات کرے ( ہر طرح جائز ہے) البتہ ہمارے ہاں پسندیدہ بات نہیں ہے کہ وہ تہائی سے کم خیرات کرے۔ اور اگر اس سے مزید کم وہ خیرات کرے تو تب بھی درست ہے)

عباد بن تیمخ (رض) سے روایت ہے کہ عویر بن اشقر نے قرانی کے دن عیدگاہ جانے سے پہلے قربانی کردی۔ اور سول اللہ (صلی اللہ علیہ وآلہ وسلم) سے اس کا تذکرہ کیا تو آپ (صلی اللہ علیہ وآلہ وسلم) نے حکم دیا کہ دوبارہ اور قربانی کرے۔ ( اس روایت کو باب النہی عن ذبح الاضحیۃ قبل انصنراف الامام میں امام مالک (رح) نے ذکر کیا ہے)
قول محمد (رح) یہ ہے : کہ ہم اسی کو اختیار کرتے ہیں کہ جب کوئی شخص شہر میں ہو جہاں عید کی نماز ہوتی ہے تو امام کے نماز پر ھانے سے پہلے اگر وہ قربانی ذبح کرلے تو گویا وہ ایک بکری کا گوشت ہوگا۔ اگر شہر میں نہ بلکہ جنگل میں ہو یا ایسے گاؤں میں رہتا ہو جو شہر سے دور ہو تو وہ شخص اکر طلوع فجر یا آفتاب کے طلوع کے وقت ذبح کرے گا تو اس کی قربانی جائز ہوگی۔ امام ابوحنیفہ (رح) کا یہی قول ہے۔

عطاء بن یسار (رح) نے بیان کیا۔ حضرت ابو ایوب انصاری (رض) نے بتلایا کہ ہم ایک بکری کی قربانی کرتے تھے۔ ایک شخص اپنی طرف سے اور اپنے اہل خانہ کی طرف سے ذبح کرتا تھا۔ پہر لوکوں نے فخر کرنا شروع کردیا۔ اور قربانی فخر بن گئی ( ای اثر کو باب الشرکۃ فی الضحایا میں ذکر کیا گیا ہے)
قول محمد (رح) یہ ہے : کہ اگر غریب ہوتے تھے تو ایک بکری ذبح کرلیتے تھے۔ اور خود کھالیتے تھے۔ اور اپنے اہل خانہ کو کھلاتے تھے۔ لیکن ایک بکر دو یا تین آدمیوں کی طرف سے قربانی کرنا جائز نہیں۔ ایک بکری کی قربانی ایک شخص کی طرف سے ہی ہوگی۔ امام ابوحنیفہ (رح) اور ہمارے عام فقہاء اسی طرف گئے ہیں۔

ابو زبیر مکی (رح) نے جابر بن عبداللہ (رض) سے روایت کی کہ رسول اللہ (صلی اللہ علیہ وآلہ وسلم) کے ساتھ ہم نے مقام حدیبیہ میں ایک اونٹ اور ایک گائے سات سات آدمیوں کی طرف سے ذبح کیے۔
اس اثر کو باب الشرکۃ فی الضحایا میں امام مالک نے ذکر کیا ہے)
قول محمد (رح) یہ ہے : کہ ہم اسی کو اختیار کرتے ہیں اونٹ اور گائے کی قربانی سات آدمیوں کی طرف سے جائز ہے خواہ وہ ایک گھر کے ہوں یا متفرق گھروں کے ہوں یہی امام ابوحنیفہ (رح) اور ہمارے عام فقہاء کا قول ہے۔

عطاء بن یسار بیان کرتے ہیں کہ ایک آدمی احد کے قریب اپنی اونٹنی چرارہا تھا وہ مرنے لگی تو اس نے ایک تیز دھار لکڑے سے اسے ذبح کرلیا۔ پھر رسول اللہ (صلی اللہ علیہ وآلہ وسلم) کی خدمت میں عالیہ میں عرض کیا کہ اس کے گوشت کا کیا حکم ہے۔ آپ (صلی اللہ علیہ وآلہ وسلم) نے فرمایا۔ اس کو کھالو۔ اس میں کوئی حرج نہیں ہے۔