Muawtta Imam Muhammad

عبداللہ بن عمر (رض) فرماتے ہیں کہ جب عورت طلاق ہوجائے یا سا سکا خامند فوت ہوجائے تو وہ عدت مکمل کرنے تک اپنے شوہر کے گھر میں ہی رات بسر کرے۔ (اس اثر کو امام مالک (رح) باب ماقم المتوفی عنہا زوجہا فی بیتہا حتی تحل میں ذکر کیا ہے)
قول محمد (رح) یہ ہے : ہم اسی کو اختیار کرتے ہیں البتہ جس عورت کا خاوند فوت ہوجائے وہ مجبوری کی صورت میں اپنی ضروریات کے لیے دن میں باہر نکل سکتی ہے۔ مکر رات اپنے خاوند ہی کے گھر میں گزارنا ہوگی۔ رہی وہ عورت جس کو طلاق بائنہ ہوچکی یا غیر بائنہ وہ جب تک عدت میں ہے۔ وہ اپنے خاوند کے گھر سے نہ رات کو باہر نکل سکتی ہے یاور نہ دن کود یہی امام ابوحنیفہ (رح) اور ہمارے عام فقہاء کا قول ہے۔

نافع (رح) بیان کرتے ہیں کہ عبداللہ بن عمر (رض) نے فرمایا کہ بنو ثقیف قبیلہ کا ایک غلام حضرت فاروق اعظم (رض) کی خدمت اقدس میں حاضر ہوا اور اس نے عرض کیا میرے آقا نے اپنی فلاں کنیز سے میرا نکاح کردیا ( فاروق اعظم (رض) اس لونڈی کو ذاتی طور پر جانتے تھے) اور اب وہ خود بھی اس سے مباشرت کرتا ہے۔ حضرت عمر (رض) نے اس متعلقہ آدمی کو بلا بھیجا وہ حاضر ہوا تو اس سے دریافت کیا تمہاری لونڈی ( فلانہ) کہاں ہے ؟ اس نے بتلایا کہ وہ میرے پاس ہے۔ آپ نے فرمایا کیا تم اس سے مباشرت کرتے ہو ؟ حضرت عمر (رض) نے بعض اہل مجلس نے اس کو اشارہ کیا تو اس آدمی نے کہا نہیں۔ حضرت عمر (رض) نے فرمایا اللہ کی قسم ! اگر تو اعتراف کرتا تو میں تجھے عبرتناک سزا دیتا۔
قول محمد (رح) یہ ہے : ہم اسی کو اختیار کرتے ہیں جب کوئی شخص اپنی لونڈی اپنے کسی غلام کے نکاح میں دے دے تو اس کے لیے جائز نہیں کہ وہ اس سے مباشرت کرے۔ کیونکہ جب آقا نے اس سے اپنی رضا مندی سے نکاح کردیا ہے تو اسے طلاق یا جدائی اختیار ( غلام کو تفویض کردیا ہے اب) غلام اس کو طلاق دے سکتا ہے۔ لونڈی کو اس کے نکاح میں دینے کے بعد آقا کو انھیں جدا کرنے ( طلاق دینے) کا اختیار باقی نہیں رہتا۔ اگر وہ اس سے مباشرت کرے گا تو اس بارے میں اسے ملامت کی جائے گی۔ اگر وہ باز نہ آئے اور اس کا اعادہ کرے تو امام وقت جس قدر چاہے اسے مارپیت یا قید کی سزا دے۔ سب کچھ روا ہے البتہ یہ سزا چالیس کوڑوں سے زیادہ نہ ہوگی۔

مجبر کہتے ہیں کہ عبداللہ بن عمر (رض) فرماتے تھے کہ جب کوئی شخص کہے ” اگر میں فلانہ عورت سے نکاح کروں تو اس پر طلاق ہے۔ تو وہ جب بہی اس سے نکاح کرے گا ۔ اس کو وہی طلاقیں واقع ہوجائیں گی جتنی طلاقوں کا اس نے ارادہ کیا تھا۔ ایک یا دو یا تین میں جس قدر اس نے کہی تھیں اتنی ہی واقع ہوجائیں گی۔
قول محمد (رح) یہ ہے : ہم اسی کو اختیار کرتے ہیں اور امام ابوحنیفہ (رح) کا بھی یہی قول ہے۔

سعید بن مسیب (رح) کہتے ہیں کہ حضرت ابوہریرہ (رض) نے حضرت عمر (رض) سے ایک شخص کے متعلق دریافت کیا کہ جو شخص اپنی بیوی کو ایک یا دو طلاق دے دے اور اس کو چھوڑ دے یہاں تک کہ اس کی عدت پوری ہوجائے پھر وہ کسی دوسرے مرد سے نکاح کرے اور وہ ہدوسرا مرد فوت ہوجائے یا اسے طلاق دے تو اب پہلا مرد اس سے نکاح کرلے وہ مرد اب کتنی طلاقوں مالک ہوگا۔ حضرت عمر (رض) نے فرمایا۔ تین طلاقوں میں سے جتنی طلاقیں باقی رہ گئی ہیں۔ ( اس اثر کو باب جامع الطلاق میں امام مالک (رح) نے ذکر کیا ہے)
قول محمد (رح) یہ ہے : ہم اسی کو اختیار کرتے ہیں۔ اور امام ابوحنیفہ (رح) کا فرمان یہ ہے کہ اگر وہ عورت پہلے شوہر کے پاس اس حالت میں لوٹی کہ دوسرا شوہر اس سے مباشرت کرچکا ہے تو صورت میں پہلا شوہر از سر نو تین طلاقوں کا مالک ہوگا۔

قاسم (رح) نے بیان کیا کہ ام المؤمنین عائشہ صدیقہ (رض) عنہا نے اپنے بھائی عبد الرحمن بن ابوبکر (رض) کا پیغام قریبہ بنت ابی امیہ کے پاس بھیجا۔ پس اس سے ان کا نکاح ہوگیا۔ اس پر قریبہ کے ورثاء عبد الرحمن سے ناراض ہوگئے اور کہنے لگے ۔ ہم نے سوچنے سمجھنے کے بغیر عائشہ (رض) عنہا کے کہنے پر نکاح کردیا ہے۔ حضرت ام المؤمنین (رض) عنہا نے اپنے بھائی عبد الرحمن (رض) پیغام بھیجا اور اس بات کا ان سے تذکرہ کیا۔ عبد الرحمن (رض) نے قریبہ کو اختیادے دیا کہ خواہ تو میرے پاس رہے اور خواہ تو جدائی اخیتار کرلے۔ قریبہ نے میں تمہارے مقابلے میں کین اختیار نہیں کرتی۔ پس یہ طلاق نہ ہوئی۔ (اس روایت کو امام مالک نے باب ما لا یبین من التملیک میں ذکر کیا ہے)

نافع (رح) ابن عمر (رض) سے روایت کرتے ہیں کہ جب شوہر اپنی بیوی کو طلاق کا اختیار دے دے تو فیصلہ بیوی کی مرضی پر ہوگا۔ مگر یہ شوہر انکار کردے اور کہے کہ میں نے صرف ایک طلاق کا ارادہ کیا تھا۔ تو اس صورت میں اس سے یاس بات کی قسم لی جائے گی۔ اور عدت کے ایام تک وہ خاوند اس کا مالک و مختار ہوگا۔

سعید بن مسیب (رح) کہتے ہیں کہ جب آدمی اپنی بیوی کو طلاق کا اختیار دے دے اور وہ اس سے جدائی اختیار نہ کرے بلکہ اس کے پاس ٹھہری رہے تو یہ طلاق نہیں ( اس اثر کو امام مالک (رح) نے باب ما لا یبین من التملیک میں ذکر کیا ہے) ۔
قول محمد (رح) یہ ہے : کہ ہم اسی کو اختیار کرتے ہیں جب عورت نے اپنے خاوند کو اختیار کرلیا تو یہ طلاق نہیں۔ اور اگر عورت نے اپنی ذات کو اختیار کرلیا تو اس صورت میں مرد کی نیت کا اعتبار ہوگا اگر اس نے ایک طلاق کی نیت کی ہوگی تو یہ ایک طلاق بائنہ ہوگی۔ اگر تین کی نیت کی ہوگی تو تین طلاقیں واقع ہوجائیں گی۔
امام ابوحنیفہ (رح) اور ہمارے عام فقہاء کا یہی قول ہے۔

نافع (رح) بیان کرتے ہیں کہ ابن عمر (رض) کہتے تھے کہ جو لونڈی کسی غلام کی منکوحہ تھی اور وہ آزاد کردی گئی۔ جب تک اس سے مباشرت نہ کی جائے اس وقت اس کو اختیار حاصل ہے کہ نکاح کو باقی رکھے یا نہ)

طلحہ بن عبداللہ بن عوف کا بیان ہے کہ عبد الرحمن بن عوف (رض) نے اپنی بیوی کو طلاق دے دی۔ جبکہ وہ بیمار تھے۔ حضرت عثمان (رض) نے عدت گزارنے کے بعد انھیں وارث قرار دے کر ترکہ میں حصہ دلایا۔ ( اس اثر کو امام مالک (رح) نے باب طلاق المریض میں ذکر کیا ہے)

اعرج (رح) کہتے ہیں کہ حضرت عثمان بن عفان (رض) نے ابن مکمل کی عورتوں کو وراثت میں حصہ دلایا۔ اس نے اپنی ب یویں کو مرض (الموت) میں طلاق دے دی تھے۔ ( یہ اثر باب طلاق المریض میں امام مالک نے ذکر کیا ہے)
قول محمد (رح) یہ ہے : کہ وہ عورتیں وارث ہونگیں۔ اگر شوہر کی وفات سے قبل عدت ختم ہوجائے تو انھیں ترکہ و وراثت مں ن حصہ نہ ملے گا۔ اس طرح ہشیم بن بشیر نے مغیر (رض) اور انھوں ابراہیم نخعی اور انھوں نے شریح کی سند سے عمر بن خطاب (رض) کا ارشاد نقل کیا کہ انھوں نے اس شخص کے متعلق تحریر کیا جس نے بحلت مرض اپنی بیوی کو تین طلاق دے دیں کہ اگر وہ عدت میں ہو تو اسے وراثت سے حصہ ۔ اگر اس کی عدت مکمل ہوچکی ہو تو اس کو کوئی حصہ مثراث سے نہیں ملے گا۔ امام ابوحنیفہ (رح) اور ہمارے عام فقہاء کا یہی قول ہے۔