Muawtta Imam Muhammad

عبداللہ بن دینار کہتے ہیں کہ میں نے عبداللہ بن عمر (رض) کو قرآن مجید کی یہ آیت یا ایہا الذین امنوا اذا طلقتمن النساء فطلقوہن لقبل عدتہن ۔ اس طرح پڑھتے سنا ( اے ایمان والو ! جب تم اپنی عورتوں کو طلاق دو تو ان کی عدت کے وقت سے کچھ پہلے دو )
قول محمد (رح) یہ ہے : کہ طلاق سنت یہ ہے کہ آدمی اس کی عدت سے کچھ پہلے حالت طہارت میں اسے طلاق دے اور اس طہر میں جماع بھی نہ کرے ؎ دوسری طلاق دوسرے طہر میں دے۔ اسی طرح تیسیر طلاق تیسرے طہر میں دے ۔ یہی امام ابوحنیفہ (رح) اور ہمارے عام فقہاوء کا مسلک ہے۔

عبداللہ بن عمر (رض) سے روایت ہے کہ میں نے رسول اللہ (صلی اللہ علیہ وآلہ وسلم) کے زمانہ میں اپنی بیوی کو طلاق دی اس وقت میری بیوی حالت حیض میں تھی۔ (میرے والد) عمر (رض) نے اس بات کا تذکرہ رسول اللہ (صلی اللہ علیہ وآلہ وسلم) کی خدمت اقدس میں کیا اور اس کا حکم دریافت کیا تو آنحضرت (صلی اللہ علیہ وآلہ وسلم) نے حکم دیا کہ عبداللہ رجوع کرے پھر اس کی بیوی حیض سے پاک ہوجائے پھر اسے حیض آئے اور وہ اس سے پاک ہوجائے۔ اس کے بعد چاہے تو اسے روک لے اور خواہ مباشرت سے قبل اسے طلاق دے دے۔ پس یہی وہ عدت ہے جس کا للہ تعالیٰ نے حکم فرمایا ہے کہ اس کے لیے عورتوں کو طلاق دی جائے (فطلقوہن لعدتہن میں اسی طرح اشارہ ہے)
قول محمد (رح) یہ ہے : ہم اس کو اختیار کرتے ہیں۔

سعید بن مسیب (رح) بیان کرتے ہیں کہ حضرت ام سلمہ (رض) عنہا کا مکاتب جس کا نام نفیع تھا۔ اس کے نکاح میں ایک آزاد عورت تہی اس نے اپنی اس بیوی کے دو طلاقیں دے دیں۔ پھر اس سے رجوع کرنا چاہا تو ازواج مطہرات (رض) عنہن نے اسے کہا کہ وہ حضرت عثمان (رض) کے خدمت میں جائے اور مسئلہ دریافت کرے چنانچہ وہ حضرت عثمان (رض) کو مقام درج میں جاکر ملاد جبکہ وہ حضرت زید بن ثابت (رض) کا ہاتھ تھامے ہوئے تھے اور ان سے اپنی بیوی کے متعلق دریافت کیا تو دونوں نے فرمایا وہ تجھ پر حرام ہوگئی۔ وہ تجھ پر حرام ہوگئی۔ (یہ اثر امام مالک (رض) نے باب ما جاء فی طلاق العبد میں ذکر کیا ہے)

سلیمان بن یسار (رح) بیان کرتے ہیں کہ نفیع حضرت سلمہ (رض) عنہا کا مکاتب یا غلام تھا۔ ان کی زوجیت میں ایک آزاد عورت تھی۔ فقیع نے اسے دو طلاقیں دے دیں ۔ پھر اس سے رجوع کرنا چاہا تو ازواج مطہرات (رض) عنہن نے اسے کہا کہ حضرت عثمان (رض) کی خدمت میں جائے اور مسئلہ دریافت کرے چنانچہ وہ حضرت عثمان (رض) کو مقام درج مں ن جاکر ملاد جبکہ وہ حضرت زید بن ثابت (رض) کے ہاتھ تھامے ہوئے تھے اور ان سے اپنی بیوی کے متعلق دریافت کیا تو دونوں نے فرمایا وہ تجھ پر حرام ہوگئی۔ وہ تجھ پر حرام ہوگئی۔ ( یہ اثر امام مالک (رض) نے باب ما جاء فی طلاق العبد میں ذکر کیا ہے)

نافع (رح) بیان کرتے ہیں کہ عبداللہ بن عمررضی اللہ عنہما نے فرمایا جب کوئی غلام اپنی بیوی کو دو طلاقیں دے دے خواہ وہ آزاد ہو یا غلام دونوں صورتوں میں وہ عورت اس پر حرام ہوگئی۔ جب تک کہ وہ عورت کسی دوسرے مرد سے نکاح نہ کرے۔ آزاد عورت کی عدت تین حیض ہے اور لونڈی کی عدت دو حیض ہے۔ (یہ اثر ممؤطا امام مالک ما جاء فی طلاق العبد میں ذکر کیا ہے)
قول محمد (رح) یہ ہے : کہ اس مسئلہ میں لوگوں نے اختلاف کیا ہے۔ ہمارے فقہاء احناف (رح) یہ کہتے ہیں کہ طلاق اور عدت میں عورتوں کا اعتبار کیا چائے گا۔ کیونکہ اللہ تعالیٰ کا ارشاد گرامی ہے فطلقوہن لعدتہن ۔ پس طلاق عدت کے لحاظ سے ہے۔ جب بیوی آزاد عورت ہو اور شوہر غلام ہو تو اس کی عدت تین طہر ہوگی ۔ اور عدت کے لیے اس کی طلاقیں بھی تین ہوں گی۔ جیسا کہ اللہ جل جلالہ نے فرمایا اور جب شوہر آزاد ہو اور بیوی لونڈی ہو تو اس کی عدت دو حیض ہو کی اور عدت کے لیے اس کی طلاقیں بھی ہوں گی۔ جیسا کہ اللہ جل شانہ نے فرمایا ہے۔

محمد (رح) کہتے ہیں کہ عطاء بن ابی رباح (رح) نے کہا حضرت علی مرتضی (رض) نے ارشاد فرمایا ” طلاق عورتوں کے اعتبار سے ہے اور عدت بہی عورتوں کے لحاظ سے ہوگی۔ یہی عبد الہ بن مسعود (رض) کا ارشاد ہے۔ اور ہمارے فقہاء احناف عام طور پر اسی طرف گئے ہیں۔

نافع (رح) بیان کرتے ہیں کہ عبداللہ بن عمر (رض) فرماتے تھے کہ جس شخص نے اپنے غلام کو نکاح کی اجازت دی تو اس کی بیوی کو طلاق دینے کا حق ( بھی غلام کو تفویض ہوگیا) صرف وہ غلام ہی اس کو طلاق دے سکتا ہے۔ البتہ وہ شخص اپنے غلام کی لونڈی یا اپنی لونڈی کی لونڈی کو لے لے تو اس پر کوئی گناہ نہ ہوگا ۔ (کیونکہ اس کی ملک اس کی اپنی ملک ہے)
قول محمد (رح) یہ ہے : کہ ہم اسی کو اختیار کرتے ہیں اور یہی امام ابوحنیفہ (رح) اور ہمارے عام فقہاء کا قول ہے۔

نافع (رح) بیان کرتے ہیں کہ صفیہ (رض) عنہا کی آزاد کردہ لونڈی نے اپنی تمام اشیاء دے کر اپنے خاوند سے خلع حاصل کرلیا۔ تو عبداللہ بن عمر (رض) نے اس بات کو ناپسند نہ (بلکہ رضامندی کا اظہار فرمایا) اس اثر کو امام مالک (رح) نے باب ما جاء فی الخلع میں ذکر کیا ہے۔
قول محمد (رح) ہے : کہ عورت اپنے خاوند سے جس چیز پر بہی خلع کرے فتوی و قضاء کے لحاظ سے یہ جائز ہے۔ لیکن ہمارے ہاں یہ بات پسندیدہ نہیں کہ خاوند اپنے مہر کی مقدار سے زیادہ رقم لے۔ اگرچہ زیادتی اور اختلاف کی ابتداء عورت کی طرف سے ہی کیوں نہ ہو۔ (یہ خلاف مروت ہے) اور اگر اختلاف مرد ہی طرف سے ہو تو ہم پسند نہیں کرتے کہ وہ اس مقدار مہر سے تھوڑا یا زیادہ کچھ بھی لے ۔ البتہ بلحاظ فتوی لینا درست ہے۔ لیکن بندے اور اللہ تعالیٰ (حقوق اللہ) کے لحاظ سے مکروہ ہے۔ یہی امام ابوحنیفہ (رح) کا قول ہے۔

اسلمیین کے غلام جمہان (رح) نے بیان کیا کہ ام بکر اسلمیہ (رض) عنہا نے اپنے شوہر عبداللہ بن اسید (رض) عنے خلع حاصل کرلیا۔ پھر دونوں حضرت عثمان (رض) کی خدمت میں آئے تاکہ اس سلسلہ میں مسئلہ دریافت کریں۔ آپ نے فرمایا یہ ایک طلاق ہے۔ مگر یہ کہ وہ عورت اگر دو یا تین کا نام لے تو اتنی تعداد میں ہوجائیں گی۔
قول محمد (رح) یہ ہے : کہ ہم اسی کو اختیار کرتے ہیں کہ خلع طلاق بائن ہے۔ اگر تین کا نام لے یا تین کی نیت کرے تو تین ہی واقع ہوجائیں گی۔

قاسم بن محمد (رح) کہتے ہیں کہ عمر فاروق (رض) سے ایک آدمی نے مسئلہ دریافت کیا کہ میں نے اس طرح کہا ہے اکر میں فلاں عورت سے شادی کروں تو وہ میرے لیے میری ماں کی پشت کی طرح ہے۔ تو حضرت عمر (رض) نے جوابا فرمایا اکر تم نے اس سے نکاح کرلیا تو جب تک کفارہ ادا نہ کروگے اس کے قریب نہیں جاسکتے ہو۔
قول محمد (رح) یہ ہے : ہم اسی کو اختیار کرتے ہیں اور امام ابوحنیفہ (رح) کا بھی یہی قول ہے کہ اگر اس سے شادی کرلی تو گویا اس سے ظہار واقع ہوگیا۔ وہ جب تک کفارہ ظہار ادا نہ کردے اس وقت تک اس عورت سے مجامعت نہیں کرسکتا۔